دنیا کے دیگر طاقتور ممالک کی جانب سے غزہ میں فوری جنگ بندی کی قرارداد کو امریکا کی جانب سے ویٹو کیے جانے پر سخت رد عمل سامنے آ گیا ہے۔
تفصیلات کے مطابق فلسطینی محصور شہر غزہ میں دہشت گرد اسرائیل کی معاونت پر امریکا کو شدید رد عمل کا سامنا ہے، امریکا نے سلامتی کونسل میں جنگ بندی کی قرارداد ویٹو کر کے جنگی جرائم میں ملوث ہونے کا ثبوت دے دیا ہے۔
فلسطینی صدر محمود عباس نے کہا کہ امریکا قرارداد ویٹو کر کے جنگی جرائم میں شامل ہو گیا ہے، چین نے کہا امریکا نے قرارداد ویٹو کر کے اپنی منافقت ثابت کر دی ہے۔
روس نے کہا امریکا نے اسرائیل کو قتل عام کی اجازت دے دی، طیب اردوان نے کہا سلامتی کونسل اسرائیل کی محافظ بن چکی ہے، اصلاحات اب ناگزیر ہیں، دنیا صرف سلامتی کونسل کے 5 مستقل ارکان پر مشتمل نہیں۔
ایران نے کہا امریکا اسرائیل کے جرائم کی حمایت اور جنگ جاری رکھنا چاہتا ہے، پاکستان نے بھی امریکی اقدام مایوس کن قرار دے دیا ہے۔
