واشنگٹن: امریکا کے نائب صدر جے ڈی وینس نے کہا ہے کہ ایران اب جوہری ہتھیار بنانے کے قابل نہیں رہا ہے۔
امریکی ٹی وی کو انٹرویو میں امریکا کے نائب صدر جے ڈی وینس کا کہنا تھا کہ امریکا نے حملہ کرکے ایرانی ایٹمی تنصیبات تباہ کردیں، ایران اب اپنے پاس موجود آلات کے ساتھ جوہری ہتھیار بنانے کے قابل نہیں ہے۔
امریکا کے نائب صدر جے ڈی وینس نے مزید کہا کہ اگر ایران نے دوبارہ ایٹمی ہتھیار بنانے کی کوشش کی تو دوبارہ حملہ کیا جائیگا۔
ایران، اسرائیل اور امریکی تنازع سے متعلق تمام خبریں جاننے کے لیے کلک کریں
واضح رہے کہ امریکی صدر ڈونلڈ ٹرمپ کی جانب سے ایران اسرائیل جنگ بندی کے اعلان کے بعد ایران اور اسرائیل نے جنگ بندی پر عملدرآمد شروع کردیا ہے۔
خیال رہے کہ امریکی صدر ڈونلڈ ٹرمپ نے اپنے سوشل میڈیا اکاؤنٹ پر اعلان کیا تھا کہ اسرائیل اور ایران جنگ بندی پر متفق ہوگئے اور اگلے 6 گھنٹوں میں حملے بند کردیے جائیں گے۔
رپورٹ کے مطابق قطر کے وزیرِ اعظم شیخ محمد بن عبد الرحمٰن آل ثانی نے ایرانی قیادت کے ساتھ بات چیت کے بعد تہران کی جانب سے امریکا کی جنگ بندی کی تجویز پر رضامندی حاصل کر لی۔
اس رابطے سے قبل، امریکی صدر ڈونلڈ ٹرمپ نے قطر کے امیر کو ٹیلی فون کیا اور انہیں بتایاکہ اسرائیل جنگ بندی پر راضی ہو چکا ہے اور انہوں نے تہران کو قائل کرنے کے لیے دوحہ سے مدد طلب کی تھی۔
