The news is by your side.

Advertisement

واضح کرنا چاہتا ہوں امریکا صرف امن چاہتا ہے: زلمے خلیل زاد کا ٹویٹ

واشنگٹن: امریکی نمائندہ خصوصی برائے افغانستان زلمے خیل زاد نے ٹویٹ کرتے ہوئے کہا ہے کہ امریکا صرف امن چاہتا ہے۔

تفصیلات کے مطابق زلمے خلیل زاد نے سماجی رابطوں کی ویب سائٹ ٹویٹر پر اپنے پیغام میں افغانستان کے حوالے سے امریکی طرزِ عمل پر اٹھنے والے سوال پر لوگوں کو اطمینان دلانے کی کوشش کی ہے کہ امریکا امن چاہتا ہے۔

افغانستان کی آزادی اور خود مختاری اور خطے کی ریاستوں کے مفادات کا خیال رکھا جائے گا۔

زلمے خلیل زاد

زلمے خلیل زاد نے لکھا کہ لوگوں کے اس حوالے سے تحفظات ہیں کہ امریکا ایک طرف افغانستان میں لڑنا بھی چاہتا ہے اور دوسری طرف مذاکرات بھی کرنا چاہتا ہے۔

امریکی نمائندہ خصوصی نے کہا کہ میں واضح کرنا چاہتا ہوں کہ امریکا صرف امن چاہتا ہے، امن کے قیام کے لیے تمام افغانیوں کے تحفظات دیکھیں گے۔

زلمےخلیل زاد نے لکھا کہ افغانستان میں تمام فریقین، افغانستان کی آزادی اور خود مختاری اور خطے کی ریاستوں کے مفادات کا خیال رکھا جائے گا۔

انھوں نے مزید کہا کہ ہم چاہتے ہیں کہ افغانستان میں لڑائی فوری ختم ہو، لیکن امن کی تلاش کا مطلب ہے کہ ہمیں ضرورت کے مطابق لڑنا بھی پڑے گا۔

یہ بھی پڑھیں:  وزیراعظم عمران خان سے امریکی نمائندہ خصوصی زلمےخلیل زاد کی ملاقات

یاد رہے کہ گزشتہ روز زلمے خلیل زاد نے وزیرِ اعظم عمران خان سے ملاقات کی، اس موقع پر افغان امن عمل میں پیش رفت اور دیگر موضوعات پر تبادلہ خیال کیا گیا۔

Comments

comments

یہ بھی پڑھیں