پسند کی شادی کے لیے شوہر اور بچے امریکا چھوڑ کر پاکستان آنے والی خاتون اونیجا اینڈریو بھی کراچی کی تباہ حالی پر بول پڑی۔
کراچی کے 19 سالہ نوجوان سے شادی کرنے کے لیے شوہر سے طلاق لے کر اور دو بچوں کو چھوڑ کر پاکستان آنے والی خاتون اونیجا اینڈریو سے ملک کے سب سے بڑے شہر کراچی کی تباہی نہ دیکھی گئی اور وہ بھی اس شہر کی تباہ حالی پر بول پڑی ہے۔
مقامی میڈیا سے گفتگو کے دوران اونیجا نے جہاں اپنا احوال بیان کیا وہیں اس نے کراچی کی تباہ حال سڑکوں اور عوامی سہولتوں کے فقدان پر افسوس کا اظہار کرتے ہوئے کہا ہے کہ کراچی کے انفرا اسٹرکچر کو ٹھیک کرنا ہوگا۔
واضح رہے کہ کراچی کی تباہ حالی پر شہر قائد کے باسی، تاجر برادری اور ملک کے مختلف طبقہ فکر آواز بلند کرتا رہتا ہے۔ تاہم سندھ میں 17 سال سے حکومت کرنے والی جماعت پیپلز پارٹی کو ملک کو سب سے زیادہ روینیو دینے والے اس شہر نا پرساں کی حالت زار نظر نہیں آتی ہے۔
’’میں مسلمان ہوں، ندال سے شادی ہوچکی‘‘، امریکی خاتون کا نیا دعویٰ
