ایک امریکی خاتون کے چائے بنانے کے طریقے نے چائے کے دیوانوں کو پریشان کردیا۔
ویڈیو شیئرنگ ایپلی کیشن ٹک ٹاک پر شیئر کی گئی اس ویڈیو میں ایک خاتون بتا رہی ہیں کہ ان کی الیکٹرک کیٹل میں کچھ مسئلہ ہے جس کی وجہ سے یہ چائے نہیں بنا رہی۔
اس کے بعد وہ دکھاتی ہیں کہ جب کیٹل میں پانی ابلتا ہے تو وہ خود بخود ہی باہر بہنے لگتا ہے، خاتون کا خیال تھا کہ یہ کیٹل کی خرابی کی وجہ سے ہورہا ہے۔
Americans are finally getting access to kettles, and it’s not going well… pic.twitter.com/oo6pjeazEV
— Dylan Reeve (@DylanReeve) June 27, 2021
تاہم سوشل میڈیا صارفین نے انہیں بتایا کہ ایسا اس وجہ سے ہورہا ہے کہ کیونکہ انہوں نے کیٹل میں ٹی بیگز بھی ڈال دیے ہیں۔
سوشل میڈیا صارفین نے انہیں بتایا کہ الیکٹرک کیٹل میں صرف پانی ڈال کر گرم کیا جاتا ہے۔
تاہم خاتون کو یہ ماننے میں بے حد دشواری کا سامنا تھا کہ کیٹل میں چائے بنانے کے لیے صرف پانی کو ہی ابالا جائے۔
