امریکا اور کینیڈا کے درمیان سیاسی کشیدگی کھیل کے میدانوں تک پہنچ گئی ہے، آئس ہاکی کا میچ شروع ہونے سے قبل میدان میں شدید لڑائی۔
امریکا اور کینیڈا کے درمیان مونٹریال کے بیل سینٹر میں آئس ہاکی میچ افراتفری کا شکار ہو گیا، اس دوران دونوں ممالک کے کھلاڑیوں میں شدید لڑائی شروع ہوگئی۔ ابتدائی 9 سیکنڈز میں 3 بار ایک دوسرے سے گتھم گتھا ہوگئے۔
رپورٹس کے مطابق امریکی ٹیم کے کوچ مائیک سلیوان اور کینیڈین کوچ جون کوپر نے لڑائیوں کو پہلے سے طے شدہ قرار دینے سے انکار کیا۔ جبکہ امریکا کی ٹیم یہ مقابلہ 3-1 سے جیت کر ٹورنامنٹ کے فائنل میں پہنچ گئی۔
کینیڈا کے خلاف یہ فتح 15 سال میں پہلی کامیابی تھی، جس نے کینیڈا کی 17 میچوں کی جیت کے سلسلے کو روک دیا۔ مقابلے کو دیکھنے کے لئئے 21 ہزار سے زائد تماشائی موجود تھے۔
امریکی دھمکیاں، کینیڈا کے وزیراعظم نے ساتھیوں کو خبردار کردیا
کینیڈین شائقین نے امریکی قومی ترانے کے دوران اور امریکی کھلاڑیوں کے تعارف پر ناپسندیدگی کا اظہار بھی کیا۔ کھلاڑیوں کا یہ ردِعمل حالیہ سیاسی کشیدگی کے باعث دیکھنے کو ملا۔
ٹرمپ کی جانب سے کینیڈا کو امریکی ریاست بنانے کی تجویز اور تجارتی محصولات کی دھمکیوں نے کینیڈین عوام میں غم و غصہ کی لہر دوڑادی ہے۔
