تازہ ترین

جہاز پر موجود پاکستانیوں کی موجودگی، حکومت کا ایران سے رابطہ

ایرانی افواج کی جانب سے قبضے میں لیے گئے...

’کچھ سیاستدان دوبارہ سازش تیار کر رہے ہیں‘

چیئرمین پیپلزپارٹی بلاول بھٹو زرداری نے کہا کہ سازشی...

پاکستان کا مشرق وسطیٰ کی صورتحال پر گہری تشویش کا اظہار

پاکستان نے مشرق وسطیٰ کی صورتحال پر گہری تشویش...

ایران کا درجنوں ڈرونز اور کروز میزائلز سے اسرائیل پر حملہ

ایران نے شام میں ایرانی قونصل خانے پر حملے...

سیکیورٹی فورسز کا بونیر میں آپریشن، دہشت گرد سلیم عرف ربانی مارا گیا

سیکیورٹی فورسز کی جانب سے بونیر میں انٹیلی جنس...

سرکاری سرپرستی میں مخالفین کیخلاف توہین مذہب قانون کا استعمال، پی ٹی آئی اقوام متحدہ پہنچ گئی

سرکاری سرپرستی میں مخالفین کیخلاف توہین مذہب کے قانون کے استعمال کا معاملہ پاکستان تحریک انصاف نے اقوام متحدہ کےخصوصی مندوبین کے سامنےرکھ دیا۔

اے آر وائی نیوز کے مطابق سرکاری سرپرستی میں مخالفین کیخلاف توہین مذہب کے قانون کے استعمال کا معاملہ پاکستان تحریک انصاف نے اقوام متحدہ کے خصوصی مندوبین کے سامنے رکھ دیا۔

پی ٹی آئی رہنما وسابق وفاقی وزیر شیریں مزاری نے اس حوالے سے خصوصی خطوط بھجوا دیے ہیں جب کہ شیریں مزاری نے ایک خط اظہار رائے کی آزادی کے حقوق کے تحفظ کیلئے یو این قرارداد کےتحت بھجوایا ہے جبکہ دوسرا خط انسانی حقوق کونسل کی قرارداد کے تحت مندوب تحفظ آزادی عقائد اور تیسرا خط یواین مندوب برائے ماورائےعدالت، سمری اور آبیٹریری قتل کو بھجوایا گیا ہے۔ اس کے علاوہ اقوام متحدہ کے ہائی کمشنر برائے انسانی حقوق کو بھی خصوصی مراسلہ ارسال کیا گیا ہے۔

اقوام متحدہ کے مختلف مندوبین کو بھجوائے گئے خطوط میں امپورٹڈ حکومت کے غیر جمہوری ہتھکنڈوں کی تفصیلات بیان کی گئی ہیں۔

شیریں مزاری نے ان خطوط میں لکھا ہے کہ پاکستان اقوام متحدہ کا ذمے دار رکن اور قانون کی پابند ریاست ہے، عوام کے بنیادی حقوق کا تحفظ حکومت کا بنیادی فرض ہے، لیکن امریکی سازش سے بےضمیر حکومت جو عوامی تائید سےمحروم ہے وہ فاشسٹ اقدامات سے اپنے اقتدار کا دوام چاہتی ہے۔

سابق وفاقی وزیر نے کہا ہے کہ اس حکومت میں دہشت گردوں کے اتحادی مبینہ قاتل کو امن کا نگراں وزیر مقرر کیا ہے اور سانحہ ماڈل ٹاؤن کا نامزد قاتل توہین مذہب کا کارڈ استعمال کررہا ہے، اس کا مقصد ملک کو داخلی انتشار کی جانب دھکیلنا ہے۔

شیریں مزاری نے مزید کہا ہے کہ امپورٹڈ حکومت میں صحافیوں کو چُن چُن کر نشانہ بنانے کا سلسلہ بھی جاری ہے، ہم جمہوری حقوق پر شب خون مارنے والوں کا ہر محاذ پر مقابلہ کریں گے اور کرائم منسٹر وغنڈہ گرد حکومت کا حقیقی چہرہ دنیا کو دکھائیں گے۔

Comments

- Advertisement -
عبدالقادر
عبدالقادر
عبدالقادر پچھلے 8برس سے اے آر وائی نیوز میں بطور سینئر رپورٹر خدمات انجام دے رہے ہیں، آپ وزیراعظم عمران خان اور حکمراں جماعت پاکستان تحریک انصاف سے جڑی خبروں اور سیاسی معاملات پر گہری نظر رکھتے ہیں۔