17.3 C
Ashburn
ہفتہ, مئی 18, 2024
اشتہار

استعمال شدہ ریلوے ٹکٹیں ٹیمپر کر کے دوبارہ فروخت کیے جانے کا انکشاف

اشتہار

حیرت انگیز

ملتان: ریلوے پولیس نے ملتان میں ایک ایسے جعل ساز کو گرفتار کیا ہے جس نے انکشاف کیا کہ وہ گزشتہ تقریباً ایک برس سے استعمال شدہ ریلوے ٹکٹ ٹیمپر کر کے دوبارہ فروخت کر رہا تھا۔

تفصیلات کے مطابق ریلوے پولیس نے جعلی ٹکٹیں بنا کر فروخت کرنے والا ملزم گرفتار کر لیا ہے، ملزم نوید احمد سے بڑی تعداد میں استعمال شدہ اوپن ریلوے ٹکٹیں، اور پلیٹ فارم ٹکٹیں برآمد ہوئیں۔

جعل سازی میں ملوث ملزم سے بڑی تعداد میں جعلی ٹکٹ بنانے والا سامان بھی برآمد ہوا ہے، ایس پی ملتان کا کہنا تھا کہ ملزم استعمال شدہ ٹکٹوں کو ٹیمپر کر کے مسافروں کو فروخت کرتا تھا۔

- Advertisement -

ایس پی ریلویز پولیس شاہد نواز کے مطابق نوید احمد نے دورانِ تفتیش اعتراف کیا کے وہ پچھلے 10 ماہ سے اس جعل سازی کے کام میں ملوث ہے، ملزم سے 821 مختلف اقسام کی استعمال شدہ ریلوے ٹکٹیں برآمد ہوئی ہیں۔

ملزم سے ریلوے کے بوگس ٹکٹوں کی فروخت سے حاصل شدہ 50 ہزار روپے رقم بھی برآمد کر لی گئی ہے، پولیس نے ملزم سے جعلی ٹکٹوں میں استمعال ہونے والی مختلف شہروں کی بوگس مہریں بھی برآمد کی ہیں۔

ایس پی شاہد نواز کے مطابق ملزم سے جعلی ٹکٹ بنانے میں استعمال ہونے والے اوزار برآمد ہوئے ہیں، ملزم سے مزید تفتیش جاری ہے۔ انھوں نے کہا کہ ریلوے ٹکٹوں کی جعل سازی میں ملوث ملزمان کے خلاف کروائیاں جاری رہیں گی۔

Comments

اہم ترین

انجم وہاب
انجم وہاب
انجم وہاب اے آر وائی نیوز سے وابستہ ہیں اور تجارت، صنعت و حرفت اور دیگر کاروباری خبریں دیتے ہیں

مزید خبریں