پاکستانی ڈرامہ انڈسٹری کی معروف اداکارہ اشنا شاہ نے عامر لیاقت کی پہلی اہلیہ سیدہ بشریٰ اقبال کی معترف ہوگئیں۔
اداکارہ اشنا شاہ نے عامر لیاقت کی تیسری اہلیہ دانیا کی جانب سے تنسیخ نکاح کی درخواست اور مبینہ ویڈیوز لیک ہونے کے سیدہ بشریٰ اقبال کی تعریف کی ہے۔
ٹوئٹر پر جاری بیان میں اشنا شاہ نے بشریٰ اقبال کو آپا مخاطب کرتے ہوئے کہا کہ آپا نے بطور مثال مجھ پر واضح کیا کہ صبر، باوقار خاموشی اور کسی مسئلہ کو اللہ پر چھوڑدینا ہی بہترین ردعمل ہے اب سے میں اس عمل کو اپنی زندگی میں عملی اور شعوری طور پر اپناؤں گی۔
Syeda Bushra Iqbal Appa has shown me by example that patience, a dignified silence and resting one’s case to Allah is the best reaction. From now forth, I will be actively and very consciously implementing this in my life, inshallah.
Thank you for the lesson, Appa. 🙏— Ushna Shah (@ushnashah) May 15, 2022
اداکارہ نے اپنی ٹوئٹ میں اس سبق کو سیکھنے کے لیے سیدہ بشریٰ اقبال کا شکریہ بھی ادا کیا۔
یاد رہے کہ عامر لیاقت کی تیسری اہلیہ دانیا کی جانب سے تنسیخ نکاح کی درخواست دائر کرنے کے بعد دونوں شخصیات ایک دوسرے پر بہتان تراشیوں کاسلسلہ جاری رکھے ہوئے ہیں تاہم اب عامر لیاقت نے ہمیشہ کے لیے پاکستان چھوڑنے کا اعلان بھی کردیا ہے۔
اس دوران متعدد شوبز شخصیات نے جہاں عامر لیاقت پر تنقید کی وہیں دانیہ کو بھی شوہر کی ویڈیوز لیک کرنے پر خاصی تنقید کا سامنا رہا تاہم اس دوران عامر لیاقت کی سابقہ پہلی اہلیہ سیدہ بشریٰ اقبال اور دوسری اہلیہ سیدہ طوبیٰ نے مکمل خاموشی اختیار کیے رکھی۔
سوشل میڈیا پر بشریٰ اقبال نے طلاق کے بعد ٹوئٹ کی تھی جس میں انہوں نے کہا تھا کہ ’میں اپنا معاملہ اللہ پر چھوڑتی ہوں’۔
واضح رہے کہ سیدہ بشریٰ اقبال عامر لیاقت کی پہلی اہلیہ ہیں جن سے ان کا ایک بیٹا اور ایک بیٹی ہے۔
