پاکستان شوبز انڈسٹری کی معروف اشنا شاہ نے انکشاف کیا ہے کہ وہ ایک ذہنی بیماری یا کیفیت میں مبتلا ہیں۔
سماجی رابطے کی ویب سائٹ ٹوئٹر پر اشنا شاہ نے گزشتہ روز کراچی انٹر نیشنل ایئر پورٹ پر اپنے ساتھ پیش آنے والے تجربے کے بارے میں بات کی تھی۔
اشنا شاہ نے ٹوئٹ میں لکھا کہ یہ کیسے ٹھیک ہے کہ کراچی ایئر پورٹ پر ایک سکیورٹی اہلکار میری رضا مندی، دستانے اور ہینڈ سینیٹائزر کے بغیر مجھے چھوے، آبسیسو کمپلسو ڈس آرڈ (او سی ڈی) ایک حقیقت ہے۔
او سی ڈی دراصل ذہنی بیماری یا کیفیت ہے جس میں مبتلا شخص کسی بھی ان چاہی چیز یا رویے سے ذہنی پریشانی کا شکار ہو جاتا ہے۔
What. Is. With. People. Touching. Other. People. Without. Consent?!
How the heck is it okay for a security officer at Karachi airport to frisk me & run her hands through my hair without gloves & without sanitising her hands.
OCD is a real thing, I am shaking & retching!— Ushna Shah (@ushnashah) March 23, 2022
اس سے قبل بھی اشنا شاہ نے شاپنگ مال میں خود کے ساتھ پیش آئے واقعے کے بارے میں ٹوئٹ کیا تھا۔ اداکارہ نے لکھا تھا کہ شاپنگ مال میں ایک انجان خاتون نے میری اجازت کے بغیر میرے بالوں کو ہاتھ لگایا جس کی وجہ میرا پورا دن خراب ہو گیا۔
اشنا شاہ نے اس خدشے کا بھی اظہار کیا تھا کہ اگر انجان خاتون میرے چہرے کو چھو لیتی تو میرا پورا ہفتہ خراب ہو سکتا تھا۔ انہوں نے ٹوئٹر صارفین نے سوال کیا تھا کہ کسی انجان شخص کا ایسا کرنا بدتمیزی کے ذمرے میں نہیں آتا، یا پھر یہ صرف میرا خیال ہے۔
The aunty at the mall will never know she effectively ruined my day by touching me (my hair, had she touched my face my week would have been ruined). Is the concept of wanting personal space from strangers so foreign that it falls in the realms of batameezi? 🥺 or is it just me?
— Ushna Shah (@ushnashah) March 6, 2022
