مولانا سمیع الحق کےقاتل جلد قانون کی گرفت میں ہوں گے ‘ عثمان بزدار -
The news is by your side.

Advertisement

مولانا سمیع الحق کےقاتل جلد قانون کی گرفت میں ہوں گے ‘ عثمان بزدار

لاہور: وزیراعلیٰ پنجاب سردار عثمان بزدار کا کہنا ہے کہ مولانا سمیع الحق کے قاتل جلد قانون کی گرفت میں ہوں اور سزا سے بچ نہیں پائیں گے۔

تفصیلات کے مطابق وزیراعلیٰ پنجاب نے کہا کہ مولانا سمیع الحق کی شہادت کسی بڑے المیے سے کم نہیں، وہ جید عالم دین اورایک مدبرسیاست دان تھے۔

سردار عثمان بزدار نے کہا کہ مولانا سمیع الحق کے اہل خانہ کےغم میں برابرکے شریک ہیں۔

وزیراعلیٰ پنجاب نے مزید کہا کہ اندوہناک واقعے کی ہرپہلوسے تحقیقات کا آغاز کردیا گیا ہے، ملزمان جلد قانون کی گرفت میں ہوں گے اورسزا سے بچ نہیں پائیں گے۔

مولانا سمیع الحق قاتلانہ حملے میں‌ جاں بحق

یاد رہے گزشتہ روز راولپنڈی میں جمعیت علماء اسلام (س) کے سربراہ مولانا سمیع الحق پر قاتلانہ حملہ ہوا تھا ، جس کے نتیجے میں وہ جاں بحق ہوگئے تھے۔

مولانا سمیع الحق کے قتل کا مقدمہ نامعلوم ملزمان کے خلاف درج

جے یو آئی (س) کے سربراہ مولانا سمیع الحق کے قتل کا مقدمہ بیٹے حامد الحق کی مدعیت میں درج کرلیا گیا، مقدمہ نامعلوم ملزمان کے خلاف تھانہ ایئر پورٹ میں درج کیا گیا۔

Comments

comments

یہ بھی پڑھیں