لاہور: وزیراعلیٰ پنجاب سردار عثمان بزدار نے کہا کہ یوم شہادت حضرت علیؓ پر جلوسوں کی کڑی نگرانی کی جائے۔
تفصیلات کے مطابق وزیراعلیٰ پنجاب سردار عثمان بزدار نے یوم شہادت حضرت علیؓ پرسخت سیکیورٹی انتظامات کی ہدایت کردی۔
وزیراعلیٰ پنجاب نے کہا کہ جان ومال کے تحفظ اور امن کے لیے ہرضروری اقدام اٹھایا جائے، قانون نافذ کرنے والے ادارے پوری طرح چوکس رہیں۔
سردار عثمان بزدار نے کہا کہ امن و امان کے قیام سے بڑھ کر کوئی ترجیح نہیں ہوسکتی۔
انہوں نے کہا کہ یوم شہادت حضرت علیؓ پر جلوسوں کی کڑی نگرانی کی جائے، طے شدہ سیکیورٹی پلان پرعملدرآمد ہر صورت یقینی بنایا جائے۔
لاہور میں یوم علیؓ کے موقع پر شہر بھر میں مقامی تعطیل ہوگی جلوس کربلا گامے شاہ پر پہنچ کر اختتام پذیر ہوگا، پانچ تحصیلوں کے اسسٹنٹ کمشنرز فیلڈ میں موجود ہوں گے۔
پولیس، اسکاؤٹس کے ساتھ سول ڈیفنس کے 115 رضا کار ڈیوٹیاں سرانجام دیں گے، ریسکیو 1122 کی 54 ایمبولینس 300 موٹرسائیکل ایمبولینس 18 فائربریگیڈ کی گاڑیاں بھی جلوس کے روٹ پر موجود ہوں گی۔
