لاہور: وزیر اعلیٰ پنجاب عثمان بزدار اور اسپیکر پنجاب اسمبلی چوہدری پرویز الہیٰ میں اہم ملاقات ہوئی، جس میں مختلف امور پر تبادلہ خیال ہوا.
تفصیلات کے مطابق ملاقات کے بعد سابق وزیر اعلیٰ پنجاب نے میڈیا سے گفتگو کرتے ہوئے کہا کہ ق لیگ اور پی ٹی آئی میں کوئی اختلاف نہیں.
پرویز الٰہی نے کہا کہ پہلے دن سے وزیر اعلیٰ کے ساتھ کھڑےتھے اور کھڑے رہیں گے. دعا کریں کہ پی ٹی آئی اور ق لیگ کے اتحاد کو نظر نہ لگے.
پنجاب اسمبلی کی نئی عمارت کے حوالے سے میٹنگ ہوئی ہے، امید ہے، پنجاب اسمبلی کااجلاس اب نئی عمارت میں ہوگا.
مسلم لیگ ق کے رہنما نے کہا کہ ایم پی اے ہاسٹلزکی تعمیر رواں سال مکمل کرلی جائے گی، اتحادی جماعتوں میں اختلاف نہیں، ساتھ آگے بڑھیں گے.
مزید پڑھیں: عثمان بزدار کو میرٹ پر وزیر اعلیٰ لگایا گیا: صمصام بخاری
خیال رہے کہ وزیر اعظم کی جانب سے وفاقی کابینیہ میںتبدیلی کے بعد یہ افواہ گردش کر رہی تھی کہ پنجاب میںبھی بڑی تبدیلی متوقع ہے، وزیر اعلیٰ پنجاب کو تبدیلی کیا جاسکتا ہے، البتہ بعد میں ان خبروں کی تردید کرتے ہوئے واضحکیا گیا کہ وزیر اعظم کو وزیر اعلیٰ پنجاب میں مکمل اعتبار ہے.
