پنجاب اسمبلی میں بجٹ اجلاس سے قبل خاتون رکن اسمبلی کی جانب سے عثمان بزدار کا ہاتھ دیکھنے کی ویڈیو وائرل ہوگئی۔
اے آر وائی نیوز کے مطابق اسپیکر پنجاب اسمبلی چوہدری پرویز الٰہی نے اجلاس کل دن ایک بجے تک ملتوی کردیا جس کے بعد حکومتی ارکان پنجاب اسمبلی سے واک آؤٹ کرگئے۔
اسپیکر پرویز الٰہی نے کہا کہ اجلاس میں کل دن ایک بجے بجٹ پیش کیا جائے گا۔
اس سے قبل سابق وزیراعلیٰ پنجاب عثمان بزدار پی ٹی آئی کی خاتون رکن سعدیہ سہیل ان کے ہاتھ دیکھتی رہیں جس کی ویڈیو وائرل ہوگئی۔
ویڈیو میں دیکھا جاسکتا ہے کہ سعدیہ سہیل انتہائی مہارت سے عثمان بزدار کی ہاتھ کی لکیریں پڑھنے اور قسمت کا حال بتانے میں مصروف ہیں۔
