The news is by your side.

Advertisement

غریب لوگ اب علاج کی سہولت سے محروم نہیں رہیں گے، عثمان بزدار

اٹک: وزیراعلیٰ‌ پنجاب سردار عثمان بزدار کا کہنا ہے کہ صحت انصاف کارڈ سے 3 کروڑ افراد مستفید ہوں گے۔

تفصیلات کے مطابق وزیراعلیٰ پنجاب عثمان بزدار نے اٹک میں مستحق افراد میں صحت انصاف کارڈ تقسیم کرنے کی تقریب سے خطاب کرتے ہوئے کہا کہ کارڈ رکھنے والامعیاری اسپتال میں علاج کرا سکتا ہے۔

عثمان بزدار نے کہا کہ صحت کارڈ کے ذریعے 7 لاکھ 20 ہزارکا علاج ممکن ہے، اسے بڑھایا بھی جاسکتا ہے، صحت انصاف کارڈ سے 3 کروڑافراد مستفید ہوں گے۔

وزیراعلیٰ پنجاب نے کہا کہ پنجاب کے 18 اضلاح میں صحت کارڈ اسکیم شروع کی جاچکی ہے، غریب لوگ اب علاج کی سہولت سے محروم نہیں رہیں گے۔

انہوں نے کہا کہ اٹک پنجاب کے دیگرشہروں کی طرح دل کے بہت قریب ہے، یہاں 200 بستروں پرمشتمل اسپتال بنایا جائے گا۔

عثمان بزدار نے کہا کہ ہم سہولتوں کی فراہمی کے لیے پنجاب کی ہرتحصیل تک جائیں گے، پنجاب کے پسماندہ علاقوں کوترقی یافتہ بنائیں گے۔

وزیراعلیٰ پنجاب نے کہا کہ پنجاب کےعوام کوبا اختیاربنانے کے لیے بلدیاتی نظام لا رہے ہیں، نئے بلدیاتی نظام سےعوام کے مسائل ان کی دہلیز پرحل ہوں گے۔

گورنر پنجاب نے لوکل گورنمنٹ بل 2019 پردستخط کردیے

یاد رہے کہ گزشتہ روز گورنر پنجاب چوہدری محمد سرورنے لوکل گور نمنٹ بل 2019 پردستخط کیے۔

پنجاب میں نیا بلدیاتی نظام دو درجوں پر مشتمل ہے۔ نئے بلدیاتی نظام کے مطابق شہروں میں میونسپل اورمحلہ کونسل جبکہ دیہات میں تحصیل اورویلج کونسل ہوگی۔

Comments

comments

یہ بھی پڑھیں