سیالکوٹ: وزیراعلیٰ پنجاب سردار عثمان بزدار ڈسکہ میں 8 سالہ بچے کی لاش ملنے کا نوٹس لیتے ہوئے آر پی او گوجرانوالہ سے رپورٹ طلب کرلی۔
تفصیلات کے مطابق ڈسکہ کے نواحی گاؤں جیسروالا میں 8 سالہ بچے کی ہاتھ پاؤں بندھی لاش کھیتوں سے برآمد ہوئی ہے جو گزشتہ شام سے لاپتہ تھا۔
پولیس نے بچے کی لاش کو تحویل میں لے کراسپتال منتقل کردیا، لواحقین کا کہنا ہے کہ بچے کے قاتل کی گرفتاری کے لیے پولیس کی جانب سے اب تک کوئی اقدام نہیں کیا گیا۔
وزیراعلیٰ پنجاب سردار عثمان بزدار ڈسکہ میں 8 سالہ بچے کی لاش ملنے کا نوٹس لیتے ہوئے آر پی او گوجرانوالہ سے رپورٹ طلب کرلی۔
سردار عثمان بزدار نے واقعے میں ملوث ملزمان کی جلد گرفتاری کا حکم دیتے ہوئے کہا کہ مقتول کے خاندان کو انصاف فراہم کیا جائے گا۔
دوسری جانب آئی جی پنجاب کیپٹن ریٹائرڈ عارف نواز نے واقعے کا نوٹس لیتے ہوئے آر پی او گوجرانوالہ سے 24 گھنٹوں میں رپورٹ طلب کرتے ہوئے ملزمان کو گرفتار کرکے سخت قانونی کارروائی کا حکم دے دیا۔
فیصل آباد: آٹھ سالہ بچہ زیادتی کے بعد قتل، ملزم گرفتار
یاد رہے کہ رواں ماہ 2 اکتوبر کو پنجاب کے شہر فیصل آباد میں آٹھ سالہ بچے سعداللہ کو زیادتی کے بعد قتل کر دیا گیا تھا، پولیس نے ملزم کو گرفتار کر لیا تھا۔
