لاہور : پنجاب میں وزیرخزانہ مقرر نہ کرنے پر سابق وزیراعلی عثمان بزدار نے طنز کرتے ہوئے “تلاش گمشدہ” کا اشتہار ٹویٹ کردیا۔
تفصیلات کے مطابق پنجاب کا بجٹ کون پیش کرے گا ، اس کا فیصلہ اب تک نہ ہوسکا، سابق وزیراعلیٰ پنجاب عثمان بزدار نے سماجی رابطے کی ویب سائٹ ٹوئٹر پر “تلاش گمشدہ”کا اشتہار شیئر کرتے ہوئے کہا پنجاب کا وزیرخزانہ نے بجٹ 13جون کو پیش کرنا ہے اس کا نام فائنل نہیں ہوا، جس کوبھی معلومات ہوں پنجاب اسمبلی سےرابطہ کرے۔
Please contact Punjab Assembly if you have any information pic.twitter.com/kX93bqtK8w
— Usman Buzdar (@UsmanAKBuzdar) June 11, 2022
خیال رہے ملک کا سب سے بڑا صوبہ پنجاب تاحال وزیر خزانہ کی خدمات سے محروم ہے جبکہ رواں ماہ صوبے کا بجٹ بھی پیش کیا جائے گا، وزیر خزانہ کون ہوگا؟ فیصلہ تاحال نہیں کیا جاسکا ہے۔
ذرائع کا کہنا تھا کہ ن لیگ کی جانب سے میاں مجتبیٰ شجاع الرحمان کا نام بطور وزیرخزانہ سامنےآیا ہے جبکہ پیپلزپارٹی کی جانب سے مخدوم عثمان محمود کا نام زیر گردش ہے، دونوں جماعتوں کی جانب سے وزیر خزانہ نامزد کرنے پر چہ مگوئیاں شروع ہوگئیں ہیں۔
یاد رہے صوبہ پنجاب کا آئندہ مالی سال کے لیے بجٹ پیر 13 جون کو پیش کیا جائیگا جس کے لیے اسمبلی اجلاس طلب کرلیا گیا ہے۔
