وزیر اعلیٰ پنجاب کا رات گئے بغیر پروٹوکول اسپتالوں کا دورہ، سہولیات کا جائزہ
The news is by your side.

Advertisement

وزیر اعلیٰ پنجاب کا رات گئے بغیر پروٹوکول اسپتالوں کا دورہ، سہولیات کا جائزہ

لاہور: وزیر اعلیٰ پنجاب عثمان بزدار نے رات گئے بغیر پروٹوکول جنرل اور کاہنہ اسپتال کا دورہ کیا، اس موقع پر مریضوں کو فراہم کردہ سہولتوں کا جائزہ لیا۔

تفصیلات کے مطابق عثمان بزدار نے پنجاب کے جنرل اور کاہنہ اسپتال کا دورہ کیا، اس موقع پر وزیر اعلیٰ نے مریضوں کو فراہم کردہ سہولتوں کا جائزہ لیا اور تیمارداروں سے سہولیات کی فراہمی سے متعلق دریافت کیا۔

وزیر اعلیٰ نے کاہنہ اسپتال کا دورہ کیا اور مختلف وارڈز کا جائزہ لیا اور مریضوں کی عیادت کی، عیادت کے دوران مریضوں نے اپنے خیالات کا اظہار کیا۔

عثمان بزدار کے جنرل اسپتال کے دورے کے موقع پر مریضوں کی جانب سے مناسب سہولیات نہ ملنے پر شکایت کی گئی، شکایات کے ازالے کے لیے ہی یہاں آیا ہوں، وزیراعلیٰ کا مریضوں سے مکالمہ بھی ہوا۔

وزیرِ اعلیٰ پنجاب عثمان بزدار بھی عمران خان کی سادگی کے نقش قدم پر

صوبے کے وزیر اعلیٰ نے مریضوں کی شکایات دو کرنے اور ایکشن لینے کی یقین دہانی کرائی، جبکہ جنرل اسپتال میں صفائی کی ناقص صورت حال پر عثمان بزدار نے کافی برہمی کا اظہار کیا، انہوں نے ایمرجنسی اور دیگر وارڈز میں بھی مریضوں کی عیادت کی۔

اس دورے کے موقع پر عثمان بزدار کا کہنا تھا کہ اسپتالوں میں علاج معالجے کے حوالے سے جو کمی ہے اسے دور کریں گے، میرا مقصد مریضوں کو معیاری علاج معالجہ فراہم کرنا ہے، اسپتالوں میں صفائی ستھرائی پر کسی قسم کا سمجھوتہ نہیں ہو سکتا۔

خیال رہے کہ ان اسپتالوں کے دورے کے موقع پر صوبائی وزیر صحت ڈاکٹر یاسمین بھی وزیر اعلیٰ عثمان بزدار کے ہمراہ تھیں۔

Comments

comments

یہ بھی پڑھیں