سوات: وزیر اعظم عمران خان کے معاون خصوصی عثمان ڈار کا کہنا ہے کہ اسکی گالا میں مقامی نوجوانوں کو اسکیئنگ کی مفت تربیت فراہم کی گئی، حکومت ایسے نوجوانوں کو آگے بڑھنے کا پورا موقع دے گی۔
تفصیلات کے مطابق سوات کی برفیلی وادی مالم جبہ میں اسکی اسپورٹس گالہ کی تقریب منعقد ہوئی جس میں وزیر اعظم عمران خان کے معاون خصوصی برائے امور نوجوان عثمان ڈار نے شرکت کی۔
معاون خصوصی نے قومی پرچم تھام کر زپ لائن کے مزے لیے اور اسکیئنگ بھی کی۔ انہوں نے تقریب میں حصہ لینے والے نوجوانوں میں انعامات تقسیم کیے۔
اگر ہمیں پاکستانی سیاحت کی اہمیت کو اجاگر کرنا ہے تو ہر شخص کوشخصیت اور مرتبے سے بالاتر ہوکر اپناحصہ ڈالناہوگا۔ پاکستان کے لوگوں کوبیرون ممالک کی بجائے اپنے ملک کی سیاحت کوپروموٹ کرنا چاہیے تاکہ دنیا میں پاکستان کانام روشن ہو۔
پاکستان زندہ باد#KPKGovernment#MalamJabba pic.twitter.com/rv13Qhp0q5— Usman Dar (@UdarOfficial) March 14, 2020
تقریب سے خطاب کرتے ہوئے عثمان ڈار کا کہنا تھا کہ جنت نظیر وادی مالم جبہ میں پہلی بار آنے کا اتفاق ہوا، ایسے حسین اور دلفریب نظارے لندن، پیرس اور سوئٹزر لینڈ میں نہیں دیکھے۔ پختونخواہ حکومت نے کھیل و سیاحت کے فروغ کا زبردست انتظام کیا۔
انہوں نے کہا کہ وزیر اعظم کے سیاحتی وژن کو بڑھانے پر خراج تحسین پیش کرتا ہوں، اسکی گالا میں مقامی نوجوانوں کو اسکیئنگ کی مفت تربیت بھی فراہم کی گئی۔ امید ہے یہ نوجوان ملک کا نام عالمی سطح پر روشن کریں گے۔
مالم جبہ کے ایسے نوجوان جو اس سے قبل سیاحوں کی گاڑیوں کے شیشے صاف کرتے تھے انہیں اپنے مقامی علاقے میں اسکی اسپورٹس کی تربیت دی جا رہی ہے۔ حکومت ایسے نوجوانوں کو آگے بڑھنے کا پورا موقع دے گی! pic.twitter.com/pPH61FAX3u
— Usman Dar (@UdarOfficial) March 15, 2020
عثمان ڈار کا کہنا تھا کہ حکومت ایسے نوجوانوں کو آگے بڑھنے کا پورا موقع دے گی، سیاحت کے شوقین افراد سے گزارش ہے مالم جبہ ضرور آئیں، سیاحت کے شوقین افراد کو ایسے خوبصورت مناظر کہیں نہیں ملیں گے۔
