ایبٹ آباد : نوکری سے فارغ کرنے پر یوٹیلیٹی اسٹور کے ڈیلی ویجز ملازم نے خودکشی کرلی۔

تفصیلات کے مطابق فاقی حکومت کی جانب سے یوٹیلیٹی اسٹورز کارپوریشن کے ڈیلی ویجز ملازمین کو نوکریوں سے برطرف کرنے کا عمل شروع کرتے ہوئے لیٹرز جاری کر دیے گئے۔

جاری کیے گئے لیٹرز میں لکھا تھا کہ آپ کو ملازمت سے فوری برطرف کیا جاتا ہے۔

نوکری سے فارغ کرنےپر یوٹیلیٹی اسٹور کے ڈیلی ویجز ملازم نے خودکشی کرلی ، جنید قریشی 13 سال سے یوٹیلیٹی اسٹور پر کام کرتا تھا۔

مزید پڑھیں : یوٹیلیٹی اسٹور کے ڈیلی ویجز ملازمین کو نوکریوں سے برطرف کرنے کے لیٹرز جاری

یاد رہے کارپوریشن کے ڈیلی ویجز ملازمین کی تعداد 3 ہزار سے زائد ہے اور تمام کو برطرف کرنے کا فیصلہ کیا گیا ہے۔

بعد ازاں یوٹیلیٹی اسٹورزملازمین کی تمام یونینز نے ملک بھرمیں احتجاج کااعلان کیا ہے، ورکرزالائنس کا کہنا تھا کہ ملک بھرمیں پریس کلبوں کےسامنےاحتجاجی مظاہرے کیےجائیں گے اگر یوٹیلیٹی اسٹورز کی بندش کا فیصلہ واپس نہ لیا تو آئندہ کا لائحہ عمل دیں گے۔

ورکرزالائنس کا کہنا تھا کہ اسلام آبادمیں مطالبات کی منظوری تک دھرنا دینےکا بھی اعلان کیا جائے گا۔