اسلام آباد : یوٹیلیٹی اسٹورز کے ہزاروں ڈیلی ویجز ملازمین کی یومیہ اجرت میں اضافے کا فیصلہ کرلیا گیا ، اضافے کی منظوری یوٹیلیٹی اسٹورز کے بورڈ سے لی جائے گی۔
تفصیلات کے مطابق یوٹیلیٹی اسٹورزکے ہزاروں ڈیلی ویجز ملازمین کی یومیہ اجرت میں531 روپے تک اضافے کی تجویز دے دی گئی ، ملازمین کی اجرت میں اضافے کی تجویز تعلیمی قابلیت کے لحاظ سے تیار کی گئی ہے۔
ذرائع نے بتایا کہ میٹرک اور انڈر میٹرک ملازمین کی یومیہ اجرت میں266 روپے اور ایف اے،ایف ایس سی، ڈی کام اور ڈرائیورز کی یومیہ اجرت میں 287 روپے اضافے کی تجویز دی گئی ہے۔
اس کے علاوہ بی اے، بی ایس سی، ملازمین کی یومیہ اجرت میں 308روپے ، ایم بی اے،ایم پی اے،ایم کام،ایم ایس سی ملازمین کی یومیہ اجرت میں399 روپے اور ایم فل،ایم ایس،مساوی تعلیم کے حامل ملازمین کی یومیہ اجرت میں 531روپے کااضافہ تجویز کیا گیا ہے۔
یومیہ اجرت میں اضافے کی منظوری یوٹیلیٹی اسٹورز کے بورڈ سے لی جائےگی، بورڈ کی منظوری کے بعد یومیہ اجرت میں اضافے کا اطلاق کیا جائے گا۔
