The news is by your side.

Advertisement

وزیراعظم شہباز شریف کا حکم ، رمضان میں عوام کو بڑا ریلیف مل گیا

اسلام آباد : یوٹیلیٹی اسٹورز نے چینی کی قیمت میں 15روپے فی کلو اور آٹے کے 10کلو تھیلے پر 75روپے کی کمی کردی۔

تفصیلات کے مطابق رمضان میں عوام کو بڑا ریلیف مل گیا ، یوٹیلیٹی اسٹورز نے وزیراعظم کے حکم پر چینی اور آٹے کی قیمتوں میں کمی کردی۔

ترجمان نے بتایا کہ چینی کی قیمت میں 15روپے فی کلو کمی کردی گئی ، جس کے بعد ملک بھر کے تمام یوٹیلیٹی اسٹورز پر چینی 70 روپے فی کلو ملے گی۔

اسی طرح آٹے کے 10کلو تھیلے پر 75روپے کی کمی کی گئی ہے، آٹے کا 10 کلو کا تھیلا 400 روپے اور 20 کلو کا تھیلا 800 روپے میں دستیاب ہوگا۔

یوٹیلیٹی اسٹورز کے ترجمان کا کہنا تھا کہ دیگر سبسڈائزڈ اشیا کی قیمتوں میں کوئی ردو بل نہیں ہوا، صارفین اپنے شناختی کارڈ کی کاپی ساتھ لائیں، رمضان ریلیف پیکج سے مستفید ہوں۔

گذشتہ روز وزیراعظم شہبازشریف نے عید تک آٹے اور چینی کی قیمتوں کمی کا اعلان کرتے ہوئے رمضان بازاروں اور یوٹیلیٹی اسٹورز میں آٹے اور چینی کی قیمتوں میں کمی کی ہدایت کی تھی۔

Comments

یہ بھی پڑھیں