اترپردیش : بھارتی ریاست اترپردیش کے سرکاری اسپتال میں اڑتالیس گھنٹوں میں تیس نوازئیدہ بچے جان کی بازی ہار گئے۔
تفصیلات کے مطابق بھارتی ریاست اترپردیش میں گورکھ پور کے سرکاری اسپتال میں 48 گھنٹوں کے دوران 30 نوازئیدہ بچے ہلاک ہوگئے۔
اسپتال انتظامیہ کےمطابق ان بچوں کو پیدائش کے بعد انتہائی نگہداشت کے یونٹ رکھا گیا تھا جہاں ایک کے بعد ایک بچہ زندگی کی بازی ہارتا گیا۔
ڈاکٹروں کا کہنا ہے کہ ان میں زیادہ تربچوں کی اموات دماغی سوزش کے باعث ہوئی ہیں۔
بھارت میں کیڑے مار اسپرے کرنے والے 20 کسان ہلاک
خیال رہے کہ گورکھ پور کے اسی سرکاری اسپتال میں دو ماہ کے دوران ادویات کی عدم فراہمی کی وجہ سے 105 بچوں کی ہلاکتیں ہوچکی ہیں۔
یاد رہے کہ سال 2011 میں بھارت کی ریاست اترپردیش کے مشرقی علاقوں میں دماغی بخار سے 400 سے زیادہ بچے ہلاک جبکہ درجنوں بچے ذہنی اور جسمانی طور پر معذور ہوگئے تھے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں
