لاہور : وزیرِ اطلاعات عظمیٰ بخاری کا کہنا ہے کہ جوشخص دیسی گھی میں بنے چکن کےبغیرنہیں رہ سکتا، بھوک ہڑتال تو دور کی بات وہ عام حالات میں روزہ بھی نہیں رکھتا ہوگا۔
تفصیلات کے مطابق پنجاب کی وزیرِ اطلاعات عظمیٰ بخاری نے بانی پی ٹی آئی کی جانب بھوک ہڑتال کی دھمکی پر ردعمل دیتے ہوئے کہا کہ دیسی گھی کے مرغے اور بکرے کھانے والا بھوک ہڑتال کیسےکرسکتا ہے۔
وزیرِ اطلاعات کا کہنا تھا کہ جوشخص دیسی گھی میں بنےچکن کےبغیرنہیں رہ سکتا، بھوک ہڑتال تو دور کی بات وہ عام حالات میں روزہ بھی نہیں رکھتا ہوگا۔
انھوں نے کہا کہ قیدی کی بلیک میلنگ ،دھمکی سے ہمیں کوئی فرق نہیں پڑےگا، قیدی نمبر 804 کےجائزوناجائزمطالبےمانےجارہےہیں، اڈیالہ جیل میں کتنے لوگ ہیں جنہوں دیسی گھی اورمٹن ملتاہے؟
صوبائی وزیر کا کہنا تھا کہ جیل میں امپورٹڈکھجوریں ، بادام اور اخروٹ بھی پڑے ہوتے ہیں، بانی پی ٹی آئی ایک صوبےکووفاق سے لڑا چکے ہیں لیکن اب ان کو مطلوبہ سہولت میسر نہیں۔
انھوں نے خبردار کیا کہ ملک کیخلاف سازش یا انقلاب لایاگیا تو اس انقلاب کو واپس کرنا اچھی طرح آتا ہے، ملک کیخلاف آئی ایم ایف کو خط لکھنے کے باوجود قانونی ریلیف دیاجارہاہے۔
