نئی دہلی: بھارت میں ٹک ٹاکرز کے ایک گروپ نے مخالف ٹیم پر چاقو سے حملہ کردیا جس کے نتیجے میں ایک نوجوان شدید زخمی ہوگیا۔
بھارتی میڈیا کی رپورٹ کے مطابق یہ واقعہ بھارتی شہر ودو دارا میں پیش آیا جہاں ٹک ٹاک صارفین کی ٹیم نے اپنے مخالف گروہ پر تیز دھار آلے سے حملہ کردیا، جبکہ پولیس نے کارروائی کرتے ہوئے 3 کمر عمر لڑکوں سمیت نوجوان سمیت 5 ٹک ٹاکرز کو گرفتار کرلیا۔
پولیس کا کہنا ہے کہ گرفتار ملزمان کے خلاف اقدام قتل کا مقدمہ درج کرکے دیگر قانونی کارروائی کا آغاز کردیا گیا ہے، واقعے میں دھوبی نامی لڑکے کے چہرے پر چاقو کے وار سےگہرے زخم آئے۔
ٹک ٹاک پر جان لیوا چیلنج ٹرینڈ بن گیا، والدین پریشان
دھوبی اور اس کا دوست نیم کے درخت کے پاس ٹک ٹاک ویڈیو شوٹ کررہے تھے کہ اچانک مخالف گروہ ان کے قریب آ پہنچا اور نیم کی جھاڑیاں ان کی طرف پھینک کر چھیڑ خانی کی جس کے باعث بات بڑھ گئی اور ہاتھا پائی تک جا پہنچی۔
پولیس کا کہنا ہے کہ مخالف ٹیم کے ایک کم عمر لڑکے نے چاقو کے متعدد وار کیے جس کے باعث دھوبی کی ناک اور سینہ شدید زخمی ہوگیا، بعد ازاں فوری طور پر زخمی نوجوان کو اسپتال میں طبی امداد فراہم کی گئی۔
متعلقہ ادارے کے مطابق گرفتار لڑکوں کے خلاف قانون کے تحت کارروائی کا آغاز کردیا گیا ہے۔
