لاہور :وزیر لائیو اسٹاک عاشق حسین کی پولٹری ایسوسی ایشن کے نمائندگان سے ملاقات میں چکن کی قیمت مقرر کرنے کی حکمت عملی کیلئےمختلف آپشنز پر غور کیا گیا۔
تفصیلات کے مطابق وزیر لائیو اسٹاک کی پولٹری ایسوسی ایشن کے نمائندگان سے ملاقات ہوئی، اجلاس میں چکن کی سپلائی چین اور قیمتوں کا جائزہ لیا گیا۔
چکن کی قیمت مقرر کرنے کی حکمت عملی کیلئے مختلف آپشنز پر غور کیا گیا، بریفنگ میں بتایا گیا کہ 10 روز میں چکن کی قیمتوں میں 200 روپے تک اضافہ دیکھا گیا۔
پولٹری ایسوسی ایشن نمائندوں نے صوبائی وزیر کو مسائل اور تحفظات سےآگاہ کیا ، وزیرلائیواسٹاک عاشق حسین نے جائزمسائل ترجیحی بنیادوں پر حل کرنے کی یقین دہانی کرادی۔
صوبائی وزیر کا کہنا تھا کہ وزیراعلیٰ چاہتی ہیں تمام اسٹیک ہولڈرزکی مشاورت سے قیمتوں کاتعین ہو۔
پولٹری ایسوسی ایشن نمائندگان نے 2 روز میں فی کلو مرغی 600 روپے تک لانے کی یقین دہانی کرائی۔
