سوشل میڈیا پر مزاحیہ انداز میں اداکار ورون دھون نے چیمپئنز ٹرافی 2025 کے سیمی فائنل میں ٹریوس ہیڈ کے آؤٹ ہونے کا کریڈٹ لیا۔
چیمپئنز ٹرافی 2025 کے سیمی فائنل میں دبئی انٹرنیشنل کرکٹ اسٹیڈیم میں بھارت اور آسٹریلیا کا مقابلہ ہوا، اس میچ میں آسٹریلیا نے پہلے بیٹنگ کرتے ہوئے 264 رنز بنائے تھے۔
بھارتی ٹیم کیلئے میچ میں سب سے بڑا خطرہ آسٹریلوی اوپنر ٹریوس ہیڈ تھے تاہم، بھارتی اسپنر ورون چکرورتی نے اپنی شاندار بولنگ سے ٹریوس ہیڈ کی وکٹ اڑائی۔
جیسے ہی بھارتی اسپنر ورون چکرورتی نے ٹریوس ہیڈ کو آؤٹ کیا تو بھارت کے پرجوش مداحوں نے غلطی سے ورون دھون کو انسٹاگرام پر اہم وکٹ پر مبارکباد دی۔
اسی موقعے کا فائدہ اٹھاتے ہوئے اداکار ورون دھون نے انہیں درست کرنے کے بجائے طنزیہ پیغام کے ساتھ ان کا مذاق اڑایا، کرکٹ کے ایک پوجوش مداح نے ورون کو ٹیگ کرتے ہوئے ٹریوس کا وکٹ لینے پر ان کا شکریہ ادا کیا، جس پر اداکار نے لکھا جادوئی اسپنر ہوں۔
