لاہور: معروف کامیڈین امان اللہ کی آخری رسومات کے موقع پر معروف اداکار واسع چوہدری لوگوں کو اسمارٹ فون سے میت کی تصاویر بناتے دیکھ کر پریشان ہوگئے۔
تفصیلات کے مطابق معروف کامیڈین امان اللہ، جو گزشتہ روز انتقال کر گئے تھے، کے جنازے پر فلم انڈسٹری سے تعلق رکھنے والے کئی افراد نے شرکت کی۔
معروف اداکار واسع چوہدری نے سماجی رابطے کی ویب سائٹ ٹویٹر پر ٹویٹ کیا کہ امان اللہ صاحب کے جنازے میں، میں یہ دیکھ کر حیران رہ گیا کہ لوگ میت کی ویڈیوز بنانے میں مصروف تھے، بجائے اس کے کہ وہ میت کے ایصال ثواب کے لیے کچھ پڑھتے۔
واسع چوہدری نے مزید لکھا کہ بھاڑ میں جائیں یہ موبائل فونز!
At the funeral of aman ullah sb ,It was appalling to see the number of people just trying to make a video clip of the "maiyat” rather then recite https://t.co/thPSEYeuG0 hell with these mobile phone cameras !
— vasay chaudhry (@vasaych) March 6, 2020
معروف کامیڈین امان اللہ گزشتہ روز 70 سال کی عمر میں انتقال کر گئے تھے، وہ طویل عرصے سے گردوں اور پھیپھڑوں کے مرض میں مبتلا تھے اور گزشتہ 15 روز سے اسپتال میں داخل تھے۔
مرحوم مزاحیہ اداکار امان اللہ نے اسٹیج ڈراموں کے علاوہ ٹی وی ڈراموں، فلموں اور نیوز چینلز پر چلنے والے مزاحیہ پروگرامز میں شاندار کارکردگی کا لوہا منوایا۔ وہ دوران علالت بھی پھلجھڑیاں چھوڑ کر اپنی شگفتہ مزاجی کا ثبوت دیتے رہے۔
امان اللہ کے انتقال پر وزیر اعظم عمران خان اور دیگر سیاسی شخصیات نے افسوس کا اظہار کیا۔
ان کے انتقال پر نہ صرف پاکستانی فنکاروں نے دکھ اور تعزیت کا اظہار کیا بلکہ بھارتی کامیڈین کپل شرما نے بھی افسوس کا اظہار کیا۔
إِنَّا لِلَّهِ وَإِنَّا إِلَيْهِ رَاجِعُونَ
Amanullah sahab was a legend and the undisputed king of comedy. May Allah grant him a place in jannat. May his soul rest in peace. pic.twitter.com/f3SNeP2OTT
— Humayun Saeed (@iamhumayunsaeed) March 6, 2020
إنا لله وإنا إليه راجعون
This is the End of an era.. a legend #AmanUllah #RIP pic.twitter.com/od2GTgejwz
— Fahad Mustafa (@fahadmustafa26) March 6, 2020
He was not only a great artist.. he was a legend.a man with a big heart who gave opportunity to many artists to fulfill their dreams.nobody can fill ur place ever khan sahib.we will miss u.may ur soul Rest In Peace 🙏 #amanullahkhan #RIPAmanUllah https://t.co/YG6gC7uZpI
— Kapil Sharma (@KapilSharmaK9) March 6, 2020
