تازہ ترین

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

وہ پھل اور سبزیاں‌ جو جسم سے فاسد مادّوں‌ کو ختم کرنے میں‌ مددگار ہیں

خزانۂ نباتات میں قدرت نے بعض پھلوں، سبزیوں اور دوسری غذائی اجناس کو ایسے خواص اور تاثیر سے مالا مال کیا ہے جو ہمارے جسم سے زہریلے مواد کی صفائی کرتے ہوئے ہمیں‌ ان کے سبب پیدا ہونے والی طبی پیچیدگیوں اور مختلف بیماریوں سے بچا سکتی ہیں۔

ان پھلوں اور سبزیوں‌ کا اہم جزو اینٹی آکسیڈینٹ ہے جو ہمارے اعضا کی تطہیر اور فاسد مادّوں‌ کے خلاف مددگار ہے۔ اس بارے میں‌ یہ‌ مختصر معلومات آپ کو صحت اور تن درستی برقرار رکھنے میں‌ مدد دے سکتی ہیں۔

انگور:
یہ خوش ذائقہ پھل ایسے قدرتی اجزا سے بھرپور ہے جو انسانی جسم اور اعضا کی تطہیر میں کردار ادا کرتے ہیں۔ انگور اینٹی آکسیڈینٹ ہی نہیں‌ بلکہ یہ جسم سے کولیسٹرول کم کرنے اور خون صاف کرنے میں‌ بھی مدد دیتا ہے۔

ٹماٹر:
ٹماٹر پھل ہے یا سبزی، اس بحث کو چھوڑیے اور یہ جانیے کہ ٹماٹر آپ کے لیے کتنا مفید ہے۔ یہ وٹامن سی اور اینٹی آکسیڈینٹ سے بھرپور ہوتے ہیں۔ ٹماٹر مدافعتی نظام کو مضبوط بناتا ہے اور اس موجود وٹامن سی، نکوٹین جیسے فاسد مادّے کو بے اثر کرنے میں اہم کردار ادا کرتا ہے۔

لیموں:
لیموں بھی وٹامن سی کا خزانہ ہے۔ انسانی معدے اور بڑی آنت کی صفائی میں لیموں مددگار ثابت ہوتا ہے۔

سیب:
سیب وہ پھل ہے جو انسانی معدے اور آنتوں کے لیے مفید ہے۔ یہ پھل خون سے فاسد مادّوں کو صاف کرتا ہے۔

پیاز:
پیاز میں موجود سلفر انسانی آنتوں کے لیے صحت بخش ثابت ہوتا ہے۔ پیاز ہمارے جسم سے فاسد مادے ختم کرنے میں مدد دیتی ہے۔

لہسن:
لہسن میں موجود اینٹی آکسیڈینٹ ہمارے اعضا کو فاسد اور زہریلے مواد سے بچاتا ہے۔ یہ خاص طور پر انسانی آنتوں اور خون کو‌ مختلف خطرناک جراثیم اور وائرس سے محفوظ رکھنے میں‌ مدد دیتا ہے۔

Comments

- Advertisement -