لاہور: لاہور بورڈ آف انٹر میڈیٹ کی 19 گاڑیوں میں 2 سال میں ساڑھے 4 کروڑ کا پیٹرول لگا، گاڑیوں کی مرمت پر 70 لاکھ روپے خرچ ہوئے۔
تفصیلات کے مطابق محکمہ ہائر ایجوکیشن نے مسلم لیگ ن کی رکن صوبائی اسمبلی حنا پرویز کے مطالبے پر پنجاب اسمبلی میں ایک رپورٹ جمع کروائی ہے جس کے مطابق لاہور بورڈ آف انٹر میڈیٹ کی 19 گاڑیوں میں 2 سال میں ساڑھے 4 کروڑ کا پیٹرول لگا۔
رپورٹ کے مطابق لاہور بورڈ آف انٹر میڈیٹ کے پاس کل 19 گاڑیاں ہیں 19 گاڑیاں ہیں جن کی ری پیئرنگ پر 70 لاکھ روپے خرچ ہوئے۔
رپورٹ میں بتایا گیا کہ مالی سال 18-2017 کے دوران گاڑیوں کے پیٹرول کی مد میں 3 کروڑ روپے خرچ ہوئے، 19-2018 میں پیٹرول کی مد میں 1 کروڑ 50 لاکھ خرچ ہوئے۔
اسی طرح مالی سال 18-2017 میں گاڑیوں کی مرمت پر 40 لاکھ اور 19-2018 میں 30 لاکھ روپے خرچ ہوئے۔
