The news is by your side.

Advertisement

اس انوکھی وینڈنگ مشین میں کیا ہے؟

ویسے تو وینڈنگ مشینز میں مختلف کھانے پینے کی اشیا، چاکلیٹس، چپس اور جوسز ہوتے ہیں تاہم امریکی شہر پورٹ لینڈ میں کچھ انوکھی وینڈنگ مشنیز نصب کی گئی ہیں جس میں نہایت غیر معمولی اور دلچسپ اشیا ہیں۔

امریکی ریاست اوریگن کے شہر پورٹ لینڈ میں ان وینڈنگ مشینز میں کتابیں ہیں، سی ڈیز ہیں اور کچھ انوکھی اشیا۔ جیسے ڈائنوسارز کی شکل کے ایئر رنگز، رنگ برنگے کارڈز اور پاکٹ ڈائریز ہیں۔

تاہم ان سب میں خریدنے والوں کی نظر ان پراسرار بیگز پر رک جاتی ہے جس پر ایک بڑا سا سوالیہ نشان ہے۔ اس بیگ کے اندر کیا ہے؟ یہی تجسس لوگوں کو یہ مسٹری بیگ خریدنے پر مجبور کرتا ہے جس کی قیمت صرف 2 یا 3 ڈالر ہے۔

یہ مشینز ایک خاتون ٹیلر والڈز کی تخلیق ہیں۔ دا وینڈریا کے نام سے مشہور یہ مشینیں پورٹ لینڈ کے 15 مختلف مقامات پر نصب ہیں۔

ٹیلر بتاتی ہیں کہ یہ آئیڈیا ایک بار کے مالک سے اتفاقی ملاقات کے بعد عمل میں آیا، انہوں نے بار کے مالک سے یونہی اپنا خیال ظاہر کیا اور اسے یہ آئیڈیا اس قدر پسند آیا کہ اس نے فوراً ہی اس وینڈنگ مشین کو رکھنے کے لیے بار میں جگہ کی پیشکش کردی۔

ان وینڈنگ مشینز سے ٹیلر کو سالانہ 80 ہزار ڈالر آمدنی حاصل ہوتی ہے۔ مشین میں موجود زیادہ تر اشیا ہول سیل مارکیٹ سے خریدی گئی ہیں جبکہ رنگین کارڈز مقامی مصوروں کے تیار کردہ ہیں۔

ٹیلر کا کہنا ہے کہ وہ ہول سیل مارکیٹ سے 12 سینٹس کی اشیا خرید کر انہیں 2 سے 3 ڈالر میں فروخت کرتی ہے، ’یہ کسی کی جیب پر بوجھ بھی نہیں بنتا اور لوگ شوق سے ان دلچسپ اشیا کو خرید لیتے ہیں‘۔

ٹیلر کے مطابق ان مشینز کو رکھنے کی بہترین جگہ باتھ روم کے قریب ہے جہاں لوگ قطاروں میں کھڑے ہوتے ہیں اور اس دوران وہ وینڈنگ سے ضرور کچھ نہ کچھ خریدتے ہیں۔

اور ہاں آپ کو بتاتے چلیں کہ خریداروں میں مقبول مسٹری بیگز میں سے گڈ لک کارڈز، نوٹس، اور چھوٹے چھوٹے کھلونے نکلتے ہیں جنہیں دیکھ کر خریدار بے حد خوش ہوتے ہیں۔

Comments

comments

یہ بھی پڑھیں