The news is by your side.

Advertisement

وینزویلا کی فوج اپوزیشن لیڈر کو ملک کا نیا صدر تسلیم کرے، امریکا

واشنگٹن: امریکی قومی سلامتی کے مشیر جان بولٹن نے کہا ہے کہ وینزویلا کی فوج ملک میں اقتدار کی پرامن تبدیلی کے عمل کو قبول کرتے ہوئے صدر نکولس مادورو کی جگہ اپوزیشن لیڈر جون گائیڈو کو نیا صدر تسلیم کرے۔

غیرملکی خبررساں ادارے کے مطابق امریکی قومی سلامتی کے مشیر جان بولٹن نے کہا ہے کہ ہم وینزویلا کی مسلح افواج پر زور دیتے ہیں کہ وہ اپنے ملک میں اقتدار کی پرامن تبدیلی کے اقدام کو قبول کرتے ہوئے عبوری صدر جون گائیڈو کا ساتھ دے۔

واضح رہے کہ وینزویلا میں 23 جنوری کو اپوزیشن لیڈر اور پارلیمںٹ کے اسپیکر جون گائیڈو نے خود کو عبوری صدر قرار دیا تھا جس کے بعد امریکا اور بعض دوسرے علاقائی ممالک نے صدر نکولس مادورو کی جگہ گائیڈو کو ملک کا عبوری صدر تسلیم کرلیا ہے۔

مزید پڑھیں: اپوزیشن رہنما جون گائیڈو کے خلاف اقدامات وینزویلا کو مہنگی پڑے گی، جان بولٹن

وینزویلا کی مسلح افواج کی جانب سے جاری کردہ بیان میں کہا گیا تھا کہ فوج صدر نکلوس مادورو کا ساتھ دے گی اور باہر سے مسلط کسی شخص کو وینزویلا کا آئینی صدر تسلیم نہیں کیا جائے گا۔

دوسری جانب جان بولٹن کا کہنا تھا کہ امریکی صدر ٹرمپ نے وینزویلا کے حوالے سے واضح موقف اختیار کیا ہے، وینزویلا کے خلاف کارروائی کے لیے ہمارے پاس تمام آپشن کھلے ہیں۔

یاد رہے کہ امریکا نے وینزویلا کی نیشنل پیٹرولیم کمپنی پر پابندیاں عائد کردی ہیں جبکہ اپوزیشن لیڈر جون گائیڈو نے بیرون نے بیرون ملک تمام اثاثوں پر اپنا کنٹرول حاصل کرنے کا دعویٰ کیا ہے۔

Comments

comments

یہ بھی پڑھیں