The news is by your side.

Advertisement

معروف اداکار مرزا شاہی انتقال کرگئے

کراچی: ٹی وی کے معروف اداکار مرزا شاہی 70 سال کی عمر میں کراچی میں انتقال کرگئے۔

تفصیلات کے مطابق ٹی وی کے معروف اداکار مرزا شاہی دل کا دورہ پڑنے سے انتقال کرگئے، وہ کئی روز سے سول اسپتال میں زیر علاج تھے۔

مرحوم کے نواسے کبیر کشمیری نے ان کے انتقال کی تصدیق کرتے ہوئے بتایا کہ مرزا شاہی کا کورونا ٹیسٹ مثبت آیا تھا اور وہ وینٹی لیٹر پر تھے۔

واضح رہے کہ مرزا شاہی کا کرونا ٹیسٹ مثبت آنے کے بعد اُن کی اہلیہ اور بیٹی کا بھی ٹیسٹ کیا گیا جس کی رپورٹ مثبت آئیں۔ رپورٹ آنے کے بعد دونوں ماں بیٹی قرنطینہ میں ہیں۔

سفر زندگی

مرزا شاہی نے 1965 میں اپنے فنی کیریئر کا آغاز کیا، انہوں نے کئی یادگار ڈراموں میں اداکاری کے جوہر دکھائے جن میں نادانیاں، قدیسی صاحب کی بیوہ نمایاں ہیں۔

ڈرامے ہائے جیدی، عید ٹرین میں بھی ان کے کرداروں کو خوب پسند کیا گیا، مرزا شاہی نے فلم چکوری، چھوٹے صاحب، سمیت متعدد سپر ہٹ فلموں میں اداکاری کے جوہر دکھائے۔

یاد رہے کہ چند روز قبل اداکار یاسر نواز اور عدنان صدیقی نے مرزا شاہی کی صحت یابی کے لیے مداحوں سے دعاؤں کی درخواست کی تھی۔

Comments

یہ بھی پڑھیں