بالی وڈ کے سینئر اداکار وکرم گوکھلے 77 سال کی عمر میں پونے کے اسپتال میں انتقال کرگئے۔
بھارتی میڈیا رپورٹس کے مطابق فلم، ٹیلی ویژن اور اسٹیج کے نامور اداکار وکرم گوکھلے طویل علالت کے بعد 77 برس کی عمر میں آج انتقال کرگئے جس کی تصدیق ان کے اہلخانہ کی جانب سے کی گئی ہے۔
میڈیا رپورٹ کے مطابق پچھلے کچھ دنوں سے پونے کے دینا ناتھ منگیشکر اسپتال میں تشویش ناک حالت میں زیر علاج تھے تاہم آج انہوں نے اسپتال میں آخری سانسیں لیں۔
Maharashtra | Veteran Actor Vikram Gokhale passes away in Pune.
(File Pic) pic.twitter.com/bnLFbRyYnm
— ANI (@ANI) November 26, 2022
وکرم گوکھلے نے 1971ء میں 26 سال کی عمر میں بالی ووڈ فلم پروانہ سے ہندی فلموں میں ڈیبیو کیا، اور پھر کئی مراٹھی اور ہندی فلموں میں کام کیا۔
1990 میں امیتابھ بچن کی مشہور فلم ’اگنی پتھ‘ اور 1999 کی فلم ’ہم دل دے چکے صنم‘ شامل ہے، اس کے علاوہ انہوں نے اکشے کمار کی سپر ہٹ فلم ’بھول بھلیا‘ میں بھی اداکاری کے جوہر دکھائے۔
