The news is by your side.

Advertisement

چنگ چی رکشہ میں سوار لڑکی سے بدتمیزی کیس : متاثرہ خاتون نے چاروں ملزمان کو شناخت کرلیا

لاہور : چنگ چی رکشے پر خاتون سے بدتمیزی کرنے کے کیس میں متاثرہ خاتون نے چاروں ملزمان کو شناخت کرلیا اور بتایا ملزمان نے چلتے رکشے کا پیچھا کیا اور بار بار تنگ کیا۔

تفصیلات کے مطابق لاہور میں چنگ چی رکشے پر خاتون سے بدتمیزی کرنے کے کیس میں پیشرفت سامنے آئی ، متاثرہ خاتون نے چار ملزمان کو شناخت کرلیا، ملزمان میں عثمان، عرفان ، عبدالرحمان اور ساجد شامل تھے۔

جوڈیشل مجسٹریٹ کامران ظفر نے شناخت پریڈ کا عمل مکمل کرایا، متاثرہ خاتون نےجوڈیشل مجسٹریٹ کی موجودگی میں شناخت کیا اور بتایا کہ چاروں ملزمان نے چلتے رکشے کا پیچھا کیا اور بار بار تنگ کیا، ملزم ساجد نے موٹر سائیکل سے اتر کر بدتمیزی بھی کی اور رکشے کے پیچھے شریک ملزمان نے نازیبا جملے کسے۔

یاد رہے گذشتہ ہفتے گلشن راوی پولیس نے رکشہ میں سوار خواتین کو تنگ کرنے والے ملزم کو گرفتار کرنے کا دعویٰ کرتے ہوئے کہا تھا کہ ملزم طارق خان موٹر سائیکل پر رکشے میں سوار خواتین کو تنگ کرتا تھا۔

اس سے قبل 24 اگست کو پنجاب پولیس نے دعویٰ کیا تھا کہ یوم آزادی کے موقع پر لاہور کے گریٹر اقبال پارک کے قریب چنگچی رکشے پر سوار خاتون کو ہراساں کرنے میں ملوث ایک مشتبہ 2 ملزمان کو حراست میں لے لیا ہے۔

ذرائع کے مطابق دونوں ملزمان کی شناخت عبدالرحمان اور عرفان حسین کے نام سے ہوئی تھی اور وہ منڈی فیض آباد ننکانہ کے رہائشی تھے، پولیس نے دونوں ملزمان کے موبائل فون قبضے میں لے کر انہیں فرانزک تجزیے کے لیے بھیج دیا تھا۔

Comments

یہ بھی پڑھیں