اسلام آباد : یشنل کمانڈ اینڈ آپریشن سینٹر نے اسکول کے بچوں پر کورونا ویکسی نیشن کے منفی اثرات کی خبروں کو جعلی قرار دیتے ہوئے کہا کوروناویکسین مکمل طورپرمحفوظ ہے۔
تفصیلات کے مطابق نیشنل کمانڈ اینڈ آپریشن سینٹر نے سماجی رابطے کی ویب سائٹ ٹوئٹر پر اپنے بیان میں اسکول کے بچوں پرکورونا ویکسی نیشن کے منفی اثرات کی خبریں جعلی ہیں، سوشل میڈیاپرگردش کرنےوالاجعلی ویڈیوکلپ 3سال پراناہے، کوروناویکسین مکمل طورپرمحفوظ ہے اور ویکسین بچوں کووزارت صحت کی ہدایات کےمطابق دی جا سکتی ہیں۔
A fake video is circulating on social media regarding adverse effects of Covid Vaccination on school children. The video clip is 3 years old. Covid Vaccines are completely safe and can be administered to children as per MoH guidelines.
— NCOC (@OfficialNcoc) October 17, 2021
یاد رہے یکم اکتوبر کو محکمہ صحت پنجاب نے وہاڑی میں ایک سکول کے طالب علم کی فائزر ویکسین لگانے کے بعد موت کے حوالے سے رپورٹ کی تردید کی تھی۔
سیکرٹری صحت پنجاب عمران سکندر بلوچ کا کہنا تھا کہ رپورٹ حقائق کے خلاف تھی اور طبی معائنے کے بعد ویکسین کے رد عمل کا کوئی اشارہ سامنے نہیں آیا، فائزر ڈبلیو ایچ او کی مجاز ویکسین ہے اور 12 سال اور اس سے زیادہ عمر کے لوگوں کے لیے محفوظ ہے۔
انہوں نے کہا تھا کہ وہاڑی کے اسکول میں 29 ستمبر کو 300 طلباء کو فائزر ویکسین لگائی گئی تھی اور اگلے دن تمام طلبا نے معمول کے مطابق اسکول میں شرکت کی تھی۔
انہوں نے عوام پر زور دیا تھا کہ وہ کورونا ویکسین کے بارے میں غلط معلومات سے گریز کریں ، تمام دستیاب ویکسین مکمل طور پر محفوظ ہیں۔
خیال رہے 28 ستمبر کو نیشنل کمانڈ اینڈ آپریشن سینٹر (این سی او سی) نے 12 سال اور اس سے زیادہ عمر کے بچوں کی کوویڈ 19 ویکسینیشن شروع کرنے کا فیصلہ کیا تھا۔
