کولکتہ: بھارت میں ایک کاروباری مرکز کی عمارت سے نوٹوں کی گڈیاں پھینکنےکی ویڈیو سوشل میڈیا پر وائر ہوگئی۔
تفصیلات کے مطابق میڈیا رپورٹس میں بتایا گیا ہے کہ بھارتی ریاست کولکتہ میں کمرشل بلڈنگ کی چھٹی منزل سے کرنسی نوٹوں کی گڈیاں کھڑکی سے باہر پھینک دی گئیں جسے وہاں موجود لوگ اٹھا کر لے گئے۔
سوشل میڈیا پر وائرل ہونے والی ویڈیو میں دیکھا جاسکتا ہے کہ عمارت سے کوئی شخص نوٹوں کی گڈیاں پھینک رہا ہے کہ اور نیچے کھڑے افراد حیرانی سے اس منظر کو دیکھنے کے بعد گڈیوں پر جھپٹ پڑے۔
#WATCH Bundles of currency notes were thrown from a building at Bentinck Street in Kolkata during a search at office of Hoque Merchantile Pvt Ltd by DRI officials earlier today. pic.twitter.com/m5PLEqzVwS
— ANI (@ANI) November 20, 2019
یہ ویڈیو ایک دکاندار نے اپنے موبائل میں ریکارڈ کی اور عینی شاہدین کا کہنا ہے کہ ریونیو ڈپارٹمنٹ کی ٹیم نے دفتر پر چھاپہ مارا تو وہاں سے نوٹوں کی بارش کردی گئی۔
ڈائریکٹر ویونیو انٹیلی جنس افسر نے چھاپے کی تصدیق کرتے ہوئے بتایا ہے کہ ان کی ٹیم نے مذکورہ دفتر پر چھاپہ ضرور مارا تھا لیکن نوٹوں کی گڈیاں پھینکنے کے حوالے سے وہ کچھ نہیں کہہ سکتے۔
