The news is by your side.

Advertisement

دلہا دلہن کی ایمبولینس میں شادی ہال آمد، ویڈیو وائرل

کوالالمپور: ملائیشیا میں دلہا دلہن نے ایمبولینس میں شادی ہال میں انٹری دی جس کی ویڈیو سوشل میڈیا پر وائرل ہوگئی۔

غیرملکی خبررساں ادارے کی رپورٹ کے مطابق ملائیشیا میں اپنی شادی کو یادگار بنانے کے لیے دلہا دلہن نے ایمبولینس میں انٹری دی جس پر انہیں شدید تنقید کا سامنا ہے۔

ویڈیو میں دیکھا جاسکتا ہے کہ شادی ہال میں مہمانوں کی آمد کا سلسلہ جاری ہے اور ہال میں اچانک ایمبولینس پہنچتی ہے جس کے اندر دلہن اسٹریچر پر بیٹھی ہوئی ہے اور دلہن کو اسٹریچر پر ہی ہال کے اندر لے جایا جارہا ہے۔

سوشل میڈیا پر وائرل ہونے والی ویڈیو میں دیکھا جاسکتا ہے کہ دلہا نے پیرا میڈک یونیفارم زیب تن کیا ہوا ہے اور دلہن کو اسٹریچر سے اتارنے کے بعد اسٹیج کی جانب رواں دواں ہے۔

Pengantin naik ambulans

Kelainan apakah ini?

Posted by Jengka Today on Saturday, December 28, 2019

فیس بک صارفین نے نوبیاہتا جوڑے کو تنقید کا نشانہ بناتے ہوئے کہا کہ ایمبولینس مریضوں کے لیے ہوتی ہے تفریح کے لیے اس کا استعمال نہیں ہونا چاہئے۔

یہ واقعہ ملائیشیا کے ضلع کوانتان میں ایک غیرسرکاری تقریب میں پیش آیا، مقامی حکومت نے واقعے کی تحقیقات کا آغاز کردیا ہے۔

مقامی حکومت نے واضح کیا ہے کہ ویڈیو میں شامل گاڑیاں نجی ایمبولینس تھیں جو دلہے نے شادی کے لیے کرایے پر حاصل کی تھیں۔

رپورٹ کے مطابق دلہا نجی اسپتال میں اسسٹنٹ میڈیکل آفیسر ہے جس نے اپنی شادی کو یادگار بنانے کے لیے ایمبولینس کا استعمال کیا اور دلہا کے لباس کے بجائے پیرامیڈک یونیفارم زیب تن کیا۔

fb-share-icon0
Tweet 20

Comments

comments

یہ بھی پڑھیں