نئی دہلی: دہلی میٹرو بس میں ایسا منظر دیکھنے میں آیا جہاں ایک خاتون نے ٹرین کو بیوٹی پارلر بنا لیا جس کی ویڈیو سوشل میڈیا پر وائرل ہوگئی۔

دہلی میٹرو جس کے بارے میں آئے دن نت نئی خبریں آ رہی ہیں اور سوشل میڈیا پر اس حوالے سے چہ مہ گوئیاں بڑھتی جا رہی ہیں حال ہی میں ایک ایسی ویڈیو وائرل ہوئی ہے جس نے صارفین کی توجہ سمیٹ لی ہے اور اس پر تبصرے کیے جا رہے ہیں۔

ویڈیو: دہلی میٹرو میں عجیب منظر، جس نے بھی دیکھا حیران رہ گیا

ٹوئٹر  پر ایک صارف نے دہلی میٹرو ٹرین کی ایک کلپ شیئر کی ہے جس میں خاتون کو بالوں میں اسٹریٹنر استعمال کرتے ہوئے دیکھا گیا، خاتون ارد گرد کی پرواہ کیے بغیر اپنے بالوں کو سیدھا کرتی رہی اور اپنا کام سکون سے مکمل کیا۔

https://twitter.com/HasnaZarooriHai/status/1670119257215238145?s=20

سوشل میڈیا صارفین نے خاتون کی اس حرکت پر مختلف تبصرے کیے ہیں، ایک صارف نے کہا کہ دہلی میٹرو کی بات ہی الگ ہے۔