تازہ ترین

پولو کا انوکھا ٹورنامنٹ، ویڈیو دیکھیں

بنکاک: پولو کھیل کا نام سن کر آپ کے دماغ میں یقیناً تصویر بنے گی کہ سر سبز میدان میں کھلاڑی سبق رفتار گھوڑوں پر بیٹھے اپنی مہارت سے گیند کو گول میں پھینکنے کی کوشش کررہے ہوں گے۔

مگر اس بار کھیل کو بہت الگ طریقے سے پیش کیا گیا، تھائی لینڈ میں انوکھا چار روزہ پولو ٹورنامنٹ منعقد ہوا جس میں کھلاڑی میدان میں گھوڑوں پر نہیں بلکہ ہاتھیوں پر بیٹھ کر آئے تھے۔

پولو کو عام طور پر بادشاہوں کا کھیل تصور کیا جاتا ہے کیونکہ پرانے دور میں شہنشاہ اور وزیر سبق رفتار گھوڑے لے کر میدان میں آتے تھے اور ہاتھوں میں ایک ہاکی نما لکڑی لیے گیند کا تعاقب بھی کرتے تھے۔

اس کھیل کے لیے منتخب ہونے والے گھوڑے اعلیٰ نسل کے ہوتے ہیں جو دوڑنے کے حوالے سے خاصی اہمیت کے حامل ہوتے ہیں، جس ٹیم کے پاس جتنا باصلاحیت کھلاڑی اور گھوڑا موجود ہوتا ہے وہی اس میں کامیابی حاصل کرتی ہے۔

تھائی لینڈ میں صدیوں بعد پولو کے کھیل کو جدید اور انوکھے انداز میں پیش کیا گیا جہاں میدان میں گھوڑوں کے بجائے ہاتھی تھے اور دونوں ٹیموں کے کھلاڑی ان پر بیٹھے گیند کا تعاقب کررہے تھے۔ ہاتھی گھوڑے کے مقابلے میں سست جانور ہے اس لیے منتظمین نے انوکھے ٹورنامنٹ کے لیے بنایا جانے والے کا فاصلہ بھی خاصہ کم کردیا تھا۔

ویڈیو دیکھیں

غیر ملکی میڈیا کے مطابق چار روزہ ٹورنامنٹ کو کنگز کپ کا نام دیا گیا تھا، اس ایونٹ میں 30 سے زائد ہاتھی میدان میں اترے اور انہوں نے کھیل میں حصہ لیا، ٹورنامنٹ سے حاصل ہونے والی رقم ہاتھیوں کے تحفظظ پر خرچ کی جائے گی۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

- Advertisement -