مسجد الحرام میں 19 ویں روزے کو غزہ کے مظلوم فلسطینیوں کی فتح کے لیے امام کعبہ نے زار وقطار روتے ہوئے اجتماعی دعا کرائی۔
اسرائیلی بربریت کا ننگا رقص غزہ میں جاری ہے اور غاصب صہیونی ریاست اسرائیل نے جنگ بندی کی خلاف ورزی کرتے ہوئے 2 روز میں 200 کے قریب بچوں سمیت 470 سے زائد فلسطینیوں کو شہید کر دیا ہے۔
اسرائیلی بربریت پر پوری اسلامی دنیا غمزدہ ہے۔ اس کا ایک نظارہ اس وقت دیکھنے کو ملا جب گزشتہ روز 19 ویں روزے کو مسجد الحرام میں امام شیخ عبدالرحمان السدیس نے فلسطین کی فتح کے لیے اجتماعی دعا کرائی۔
یہ ویڈیو تیزی سے سوشل میڈیا پر بھی وائرل ہو رہی ہے۔ اس میں دیکھا جا سکتا ہے کہ امام کعبہ شیخ عبدالرحمان السدید بارگاہ الہٰی میں پرسوز آواز میں فلسطینیوں کی فتح کے لیے دعا کر رہے ہیں۔
دعا میں شریک تمام نمازیوں کی آنکھیں اس موقع پر اشکبار ہیں اور وہ روتے ہوئے صدق دل سے دعا پر آمین، آمین کی صدائیں بھی بلند کررہے ہیں۔
غزہ میں بچوں کے قتل عام پر جمائما کی عالمی رہنماؤں کا ضمیر جھنجھوڑنے کی کوشش
