پاکستانی ڈرامہ انڈسٹری کی ابھرتی ہوئی اداکارہ نعیمہ بٹ کی میکال ذوالفقار کے ساتھ ویڈیو وائرل ہوگئی۔
ڈرامہ سیریل ’فراڈ‘ میں احسن خان (تبریز)، صبا قمر (مایا)، میکال ذوالفقار (شان)، نعیمہ بٹ (طوبیٰ)، محمود اسلم، سیفی حسن، ندا ممتاز، رابعہ کلثوم، عرفان کھوسٹ، اسما عباس، عدنان سمد خان، ودیگر اداکاری کے جوہر دکھا رہے ہیں۔
ڈرامے میں طوبیٰ کا کردار نبھانے والی نعیمہ بٹ نے گزشتہ روز انسٹاگرام پر میکال ذوالفقار کے ساتھ ڈانس کرتے ہوئے ویڈیو شیئر کی جسے مداحوں کی جانب سے پسند کیا جارہا ہے۔
View this post on Instagram
ویڈیو میں دونوں فنکاروں کو کینیڈین گلوکار مائیکل ببل کے مشہور گانے ’sway with me‘ پر رقص کرتے دیکھا جاسکتا ہے جبکہ ان کے عقب میں بارش بھی ہورہی ہے۔
View this post on Instagram
اداکارہ نے کیپشن میں ’sway with me‘ کا ہیش ٹیگ بھی استعمال کیا اور میکال ذوالفقار کو پوسٹ میں مینشن کیا۔
نعیمہ نے گزشتہ روز یہ ویڈیو شیئر کی جسے اب تک متعدد صارفین دیکھ چکے ہیں اور اس پر اپنی رائے کا اظہار بھی کررہے ہیں۔
واضح رہے کہ نعیمہ بٹ اے آر وائی ڈیجیٹل کے ڈرامہ سیریل ’فراڈ‘ میں طوبیٰ کا مرکزی کردار نبھا رہی ہیں ان کی اداکاری کو مداحوں کی جانب سے خوب سراہا جارہا ہے جبکہ ڈرامہ ہر ہفتے کی رات 8 بجے نشر کیا جاتا ہے۔
