باسکٹ بال کے عالمی کپ کے ایک میچ میں حریف کھلاڑی کی کہنی لگنے سے سربیا کے کھلاڑی کا گردہ ضائع ہوگیا اور وہ زندگی بھر کے لیے کھیل سے دور ہوگیا۔
غیر ملکی میڈیا کے مطابق یہ افسوسناک واقعہ منیلا میں کھیلے گئے باسکٹ بال ورلڈ کپ میں بدھ 30 اگست کو سربیا اور جنوبی سوڈان کے میچ میں پیش آیا جہاں سربیا کے فارورڈ بوریسا سیمانک حادثاتی طور پر حریف کھلاڑی کی کہنی لگنے سے زخمی ہو گئے تھے۔
سیمانک میچ میں اپنی ٹیم سربیا کی جیت سے صرف 2 منٹ پہلے زخمی ہوئے تھے۔ سوشل میڈیا پر وائرل بھی ہوگئی جس میں دیکھا جا سکتا کہ گول کرنے کی کوشش کے دوران جنوبی سوڈان کے کھلاڑی نونی اوموٹ کی کہنی سربین پلیئر سیمانک کے پیٹ پر لگی جس سے وہ مارے تکلیف کے چیخ مارتے ہوئے وہیں گھٹنوں کے بل بیٹھ گئے تھے۔
گزشتہ روز سربیا کی باسکٹ بال فیڈریشن نے منگل کو باضابطہ اعلان کیا کہ اس واقعے میں انکے کھلاڑی بوریسا سیمانک اپنا ایک گردہ کھو چکے ہیں اور منیلا میں گزشتہ اتوار کو آپریشن کے بعد انکا ناکارہ ہونے والا گردہ نکال دیا گیا ہے۔
¡Le costó un riñón! Le dieron un codazo al basquetbolista serbio Borisa Simanic en un partido contra Sudán en el Mundial. Se lo llevaron al hospital y le sacaron el riñón completo. “Fue sin querer”, dijo el jugador sudanés.
— Javier Alatorre (@Javier_Alatorre) September 5, 2023
پیر کو ٹیم کی پریکٹس کے بعد سربیا کے فارورڈ نکولا ملوٹینوف نے صحافیوں کو بتایا کہ اس واقعے نے سربیا کی ٹیم کو بہت زیادہ ہلا کر رکھ دیا ہے۔ ہم اس کھیل کے بعد سوئے نہیں تھے۔ یہ واقعی ہر ایک کے لئے ایک مشکل لمحہ تھا۔ مجھے امید ہے کہ دنیا میں کسی کے ساتھ ایسا کبھی نہیں ہوگا۔ ہم سیمانک کے لیے دعا کر رہے ہیں کہ وہ جلد ٹھیک ہو جائے۔
دوسری جانب اس واقعے کے بعد جنوبی سوڈان کے کھلاڑی نونی اوموٹ نے اپنی فیڈریشن کے توسط سے جاری بیان میں سیمانک کے ساتھ پیش آنے والے واقعے پر افسوس اور دکھ کا اظہار کرتے ہوئے کہا ہے کہ وہ ان کی جلد صحتیابی اور کھیل کے میدان میں واپسی کے لیے دعاگو ہیں۔
جنوبی سوڈان باسکٹ بال فیڈریشن کی ساری صورتحال پر ایک اور بیان میں کہا ہے کہ اوموٹ کو اس واقعے کے بعد ہراسانی اور نسل پرستی کا نشانہ بنایا جارہا ہے جس کی شدید مذمت کرتے ہیں۔ باسکٹ بال لوگوں کو یکجا کرنے والا کھیل ہے جس کو تعصب کے آلے کے طور پر استعمال نہ کیا جائے۔
