بھارت میں طوفانی بارش سے تباہی کاسلسلہ جاری ہے، گجرات میں شدید بارش کے باعث ایئرپورٹ پانی سے بھر گیا جس کی ویڈیو وائرل ہوگئی۔
بھارتی میڈیا رپورٹ کے مطابق بھارت کی ریاست گجرات میں بارش نے تباہی مچادی ہے مسلسل ہونے والی بارش کے باعث سڑکیں پانی سے بھر گئیں ہیں۔
رپورٹ کے مطابق تمام نشیبی علاقے زیر آب گئے جبکہ احمد آباد کے پٹیل انٹر نیشنل ایئر پورٹ میں بھی بارش کا پانی داخل ہوگیا۔
Ahmedabad Airport becomes the first in the world that can also be used as a seaport. pic.twitter.com/kjpkqQ0Ht6
— Narundar (@NarundarM) July 23, 2023
ویڈیو میں دیکھا جاسکتا ہے کہ رن وے سمیت ایئر پورٹ کوریڈور میں پانی جمع ہوگیا جس کے باعث مسافروں کو شدید پریشانی کا سامنا کرنا پڑا۔
دوسری جانب پٹیل انٹر نیشنل ایئر پورٹ حکام کی جانب سے جاری کردہ بیان میں کہا گیا کہ ایئر پورٹ سے پانی کو خصوصی چینلز سے ہٹا دیا گیا ہے۔
رپورٹ کے مطابق حکام کا یہ بھی کہنا ہے کہ پروازوں کی آمد و رفت میں کوئی مسئلہ نہیں ہے۔
Modani airport at Ahmedabad! Having no prior experience of airports & having managed only ports, Adani thought he was making a port at Ahmedabad! pic.twitter.com/paWLvENJFm
— Prashant Bhushan (@pbhushan1) July 23, 2023
واضح رہے کہ ہماچل پردیش، گجرات، اترآکھنڈ اور مہاراشٹر سمیت کئی بھارتی ریاستوں میں بارشوں کے باعث آنے والا سیلاب درجنوں مویشی بہا لے گیا، فصلیں بھی تباہ کردیں جبکہ بارشوں اور سیلاب سے اربوں روپے کا نقصان ہوگیا ہے۔
