سندھ کی سر زمین ثقافت اور تاریخ سے بھری پڑی ہے یہاں ایک ایسا ڈیڑھ صدی قدیم شیش محل بھی ہے جس کی اپنی تاریخ ہے۔
سندھ کی سر زمین جہاں ریت کا ہر زرہ ایک تاریخ سناتا ہے۔ وہاں ایک محل ہے جو شاہی عظمت اور فن تعمیر کا جیتا جاگتا شاہکار ہے۔ یہ ہے کوٹ ڈیجی کا شاہی محل جس کو شیش محل بھی کہا جاتا ہے۔
یہ محل تالپور حکمران میر عالی نواز تالپور نے تعمیر کرایا تھا۔ اس کی خاص بات محل کے 150 دروازے ہیں۔
یہ محل رنگین شیشوں، نفیس نقش ونگار اور لکڑی کے دیدہ زیب کام کی وجہ سے اپنی مثال آپ ہے۔ جابجا شیشوں کی وجہ سے یہ شیش محل کے نام سے بھی جانا جاتا ہے۔
جب یہاں دن کے وقت سورج کی روشنی ان رنگین شیشوں سے چھن کر اندر آتی تھی تو دیواریں ایسے جگمگا اٹھتی تھیں جیسے کوئی طلسماتی دنیا ہو۔
اس محل میں تالپور خاندان کے حکمران رہائش پذیر ہوتے تھے۔ یہاں دربار لگتے، مشورے ہوتے اور تہوار منائے جاتے اور موسیقی ورقص کی محفلیں بادشاہوں کے جاہ وجلال کا مظہر بنتی تھیں۔
ویڈیو رپورٹ: نوید کھوڑو
