کراچی: شہر قائد کے علاقے نارتھ کراچی میں ایک گھر میں چوری کی مبینہ کوشش وہاں موجود اسکول کے ننھے بچوں نے ناکام بنا دی۔
تفصیلات کے مطابق نارتھ کراچی سیکٹر الیون اے میں مبینہ چور کی گھر میں گھسنے کی کوشش کی سی سی ٹی وی فوٹیج اے آر وائی نیوز نے حاصل کر لی ہے، جس میں اسکول کے بچوں کو ایک لڑکے اور خاتون کو گھر میں داخل ہونے سے روکتے دیکھا جا سکتا ہے۔
بچے اسکول سے واپس گھر پہنچے تو چور بھیک مانگنے کے بہانے پاس آیا، تاہم گھر میں گھسنے کی کوشش پر بہادر بچے نے خود سے بڑی عمر کے چور کو روک دیا۔ سی سی ٹی وی فوٹیج میں بچے کو چور سے مزاحمت کرتے دیکھا جا سکتا ہے۔
- Advertisement -
یہ واقعہ آج دوپہر 12 بجکر 5 منٹ پر پیش آیا، بچوں کے والد نے تبصرہ کرتے ہوئے کہا کہ علاقے میں جرائم کی وارداتیں بڑھ گئی ہیں۔
