اسلام آباد: وفاقی کابینہ کے اجلاس میں شرکت سے وفاقی وزیر شازیہ مری کو روک دیا گیا۔
تفصیلات کے مطابق کابینہ اجلاس میں شرکت کیلئے آئی شازیہ مری سے عملے نے موبائل طلب کیا تو انہوں نے دینے سے منع کر دیا۔
شازیہ مری کی جانب سے ذاتی موبائل دینے سے انکار پر عملے نے انہیں اجلاس میں جانےسے روک دیا۔ شازیہ مری وفاقی کابینہ کےاجلاس میں شرکت کیے بغیر واپس چلی گئیں۔
وفاقی کابینہ کے اجلاس میں شازیہ مری کو سیکورٹی نےروک کر ہینڈبیگ اور دیگر سامان جمع کرانے کاکہا جس پرشازیہ مری “بیگ میں چیک نہیں کرواؤں گی میری غیر حاضری لگادیں”کہہ کر واپس چلی گئی۔۔@CMShehbaz @ShaziaAttaMarri #PDMGovt #NationalAssembly pic.twitter.com/xaeznYtv91
— The Pakistan اُردو (@ThePakistanUrdu) March 28, 2023
اس حوالے سے ویڈیو سامنے آئی ہے جس میں دیکھا جاسکتا ہے کہ شازیہ مری اور عملے کے درمیان بات چیت ہوئی اور ان کے لیے دروازہ نہیں کھولا گیا۔
شازیہ مری نے جاتے ہوئے کہا کہ آپ وزیراعظم کو میری حاضری کے حوالے سے آگاہ کر دیں اور بتادیں کہ اجلاس میں شرکت کے لیے پہنچی لیکن اندر جانے نہیں دیا گیا۔
