17.3 C
Ashburn
بدھ, مئی 22, 2024
اشتہار

سپریم کورٹ کا فیصلہ: پی ٹی آئی کو کتنی مخصوص نشستیں واپس ملیں گی؟

اشتہار

حیرت انگیز

اسلام آباد: ایڈیشنل سیکریٹری سپریم کورٹ بار شہبازکھوسہ نے سپریم کورٹ کے فیصلے کے بعد پی ٹی آئی کو ملنی والی نشستوں کے‌ حوالے سے بڑا دعویٰ کردیا۔

تفصیلات کے مطابق ایڈیشنل سیکریٹری سپریم کورٹ بارشہبازکھوسہ نے مخصوص نشستوں کے حوالے سے سپریم کورٹ کے فیصلے کو بالکل درست قرار دے دیا۔

شہبازکھوسہ نے کہا کہ الیکشن کمیشن نے جانبداری دکھائی اورپشاورہائیکورٹ نے بھی وہی فیصلہ دیا ، اس فیصلےکی بدولت پی ٹی آئی کو ہی یہ مخصوص سیٹیں مل گئی ہیں۔

- Advertisement -

شہبازکھوسہ نے دعویٰ کیا کہ 23پنجاب اسمبلی میں 9کےپی میں مخصوص نشستیں واپس ملیں گی جبکہ تقریباً ایک یا دو سینیٹرز بھی پی ٹی آئی کو واپس ملیں گے

یاد رہے سپریم کورٹ نے مخصوص سیٹیں دوسری جماعتوں کو دینے کافیصلہ معطل کردیا، سپریم کورٹ نے الیکشن کمیشن اور پشاورہائیکورٹ کا فیصلہ معطل کیا۔

جسٹس منصور علی شاہ نے ریمارکس میں کہا کہ ہم الیکشن کمیشن اور ہائیکورٹ کے فیصلوں کومعطل کررہے ہیں ، فیصلوں کی معطلی صرف اضافی سیٹوں کو دینےکی حدتک ہوگی، عوام نے جوووٹ دیااس مینڈیٹ کی درست نمائندگی پارلیمنٹ میں ہونی چاہیے۔

جس پر وکیل الیکشن کمیشن نے بتایا کہ مخصوص نشستیں ایک ہی بارتقسیم کی گئیں،دوبارہ تقسیم کامعاملہ ہی نہیں، تو جسٹس محمد علی مظہر نے کہا کہ آپ پھر الیکشن کمیشن کا حکمنامہ پڑھ کر دیکھ لیں۔

جسٹس منصور علی شاہ نے استفسار کیا کہ کیا زیادہ نشستیں بانٹنا تناسب کے اصول کےخلاف نہیں، جس پر وکیل الیکشن کمیشن نے بتایا کہ میں بتاتا ہوں الیکشن کمیشن نےاصل میں کیا کیا ہے تو جسٹس منصور علی شاہ کا کہنا تھا کہ الیکشن کمیشن نے کیا کیا اس سےنہیں آئین کیا کہتا ہے اسکے غرض ہے

جسٹس اطہر من اللہ نے وکیل سے کہا کہ آپ جس بیک گراؤنڈمیں جا رہے ہیں اس کے ساتھ کچھ اور حقائق بھی جڑے ہیں، ایک جماعت انتخابی نشان کھونے کے بعد بھی بطور سیاسی جماعت الیکشن لڑ سکتی تھی، بغیرمعقول وجہ بتائےمخصوص سیٹیں دیگرجماعتوں میں بانٹی گئیں۔

وکیل الیکشن کمیشن کا کہنا تھا کہ سیاسی جماعت کا مطلب ہوتا ہےوہ جماعت جو انتخابی نشان پر الیکشن لڑے، پارٹی کو رجسٹرڈ ہونا چاہئے۔

جسٹس مصور علی شاہ نے کہا کہ ہم آپ کو 60گھنٹے دینےکو تیار ہیں، آئین کا آغاز بھی ایسے ہی ہوتا ہےکہ عوامی امنگوں کےمطابق امور انجام دیئےجائیں گے، کیا دوسری مرحلے میں مخصوص سیٹیں دوبارہ بانٹی جا سکتی ہیں۔

سپریم کورٹ نے کہا کہ دوسری جماعتوں کو نشستیں دینے کا فیصلہ معطل رہے گا، فیصلے کی معطلی اضافی سیٹوں کی حد تک ہو گی۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں