سابق قومی اسپیڈ اسٹار شعیب اختر نے پاکستان اور نیوزی لینڈ کے درمیان آخری ٹی ٹوئنٹی میچ میں ورلڈ کپ 2024 کی ٹرافی کی رونمائی منفرد انداز میں کرائی۔
پاکستان اور نیوزی لینڈ کے درمیان پانچویں اور آخری ٹی ٹوئنٹی میچ کے دوران قذافی اسٹیڈیم میں ہزاروں شائقین کرکٹ کی موجودگی میں رواں سال جون میں امریکا اور ویسٹ انڈیز میں ہونے والے آئی سی سی ٹی 20 ورلڈ کپ 2024 کی ٹرافی کی رونمائی منفرد انداز میں کرائی گئی۔
میچ میں اننگ بریک کے دوران سابق قومی اسپیڈ اسٹار شعیب اختر رکشے پر گراؤنڈ میں نمودار ہوئے۔ ان کے ہاتھوں میں ٹی 20 ورلڈ کپ کی چمچاتی ٹرافی تھی۔۔
انہوں نے خوبصورتی سے سجے رکشے میں ٹرافی کو اٹھا کر پورے اسٹیڈیم کا چکر لگایا اور شائقین نے اس انداز کو سراہتے ہوئے ان کا بھرپور استقبال کیا۔
ورلڈ کپ ٹرافی دنیا کے مختلف ممالک کا سفر کرتے ہوئے گزشتہ دنوں اسلام پہنچی تھی جہاں وہ ایبٹ سے ہوتی ہوئی لاہور آئی۔
ورلڈ ٹی ٹوئنٹی کی ٹرافی کو ڈبل ڈیکر بس کے ذریعے پاکستان مونومنٹ پہنچایا گیا تھا۔ اس موقع پر پی سی بی کے عہدیدار بھی موجود موجود تھے۔
’کاؤنٹی کرکٹ کھیلنے والے کرکٹرز کو ڈیوائس سے مانیٹر کیا جائے گا‘
واضح رہے کہ آئی سی سی ٹی 20 ورلڈ کپ یکم جون سے امریکا اور ویسٹ انڈیز کی مشترکہ میزبانی میں شروع ہوگا اور ٹورنامنٹ کا سب سے بڑا میچ پاک بھارت ٹاکرا 9 جون کو نیویارک میں ہوگا۔
