کراچی : ڈیفنس میں سلمان فاروقی کے ہاتھوں تشدد کا نشانہ بننے والے نوجوان سدھیر کا اہم بیان سامنے آگیا اور سارا قصہ سناڈالا ۔
تفصیلات کے مطابق کراچی کے علاقے ڈیفنس میں تشدد کا نشانہ بننے والا نوجوان منظر عام پر آگیا۔
سدھیر نے بتایا کہ بہنوں کو ملازمت کی جگہ سےواپس لینے جارہا تھا، بہنیں کلینک کے باہر کھڑی تھیں۔
نوجوان کا کہنا تھا کہ موٹرسائیکل نارمل اسپیڈ پر چلارہا تھا کہ ایک تیز رفتار گاڑی مجھےٹکرمارتی ہوئی چلی گئی اور میں گرگیا۔
سدھیر نے کہا کہ گاڑی میں سوارشخص نے مجھے مارا، میں اور بہنیں معافی مانگتےرہےمگر انہوں نےہماری بات نہیں سنی۔
اس سے قبل خبریں گردش کر رہی تھی کہ خیابان اتحاز میں تشدد کا نشانہ بننے والے نوجوان کی شناخت دھیرج کےنام سے ہوئی جبکہ نوجوان کےساتھ موجود خاتون کی شناخت کلپنہ کے نام سےہوئی۔
پولیس کا کہنا تھا کہ تشددکانشانہ بننےوالےرنچھوڑ لائن کےرہائشی ہیں تاہم بہن بھائی ڈر کے مارے گھرکو تالہ لگا کرکہیں چلے گئے ہیں۔
پولیس کے مطابق فون پررابطہ کرکے بیان کےلیےتھانےبلایاجارہا ہے تاہم دھیرج اورکلپناکےپڑوسیوں نے ملزم کی گرفتاری پرپولیس کا شکریہ ادا کیا۔
